Die de Santu Patrìtziu
Limba Sarda Comuna. Abbàida sas àteras bariedades gràficas:
Sa Die de Santu Patrìtziu o simpremente Santu Patrìtziu (in irlandesu: Lá Fhéile Pádraig) est una festa de orìgine cristiana chi si tzèlebrat cada annu su 17 de martzu pro ammentare sa morte de santu Patrìtziu de Irlanda, patronu de totu s'ìsula de Irlanda, posta in su nord-ovest de s'Europa continentale.
Est festa natzionale in sa Repùblica de Irlanda e si tzèlebrat impare a sa die natzionale de sa fundatzione de sa Repùblica, annotamala is tzelebratziones sunt acapiada a sìimportu mannu de sa fide catòlica in s'identidade natzionale de s'ìsula; in sa natzione costituente britànnica de Irlanda de su Norte sa festa est prus che totu una traditzione de costùmene, ca mancari siat de majoria protestante, sa cultura catòlica de su sud de s'ìsula tenet fintzas in ie influèntzia manna. Dae sos ùrtimos annos de su sèculu XX si tzèlebrat a livellu mundiale pro more de su disterru irlandesu mannu in s'Amèrica Anglosàssone (mescamente sos Istados Unidos e su Cànada) e in paisos europeos medas.
In tempus andadu sa Die de Santu Patrìtziu fiat tzelebrada petzi comente festa religiosa. Si fiat fata una festa pùblica in su 1903, pro sa lege de su “Bank Holiday” (Irlanda) de 1903, un'Atu de su Parlamentu de Bretagna Manna introdùidu dae su parlamentare irlandesu James O'Mara. O'Mara a pustis aiat introdùidu sa lege in sa cale si signalaiat chi sos tzilleris depiant abarrare serrados su 17 de martzu. Sa prima disfilada de sa Die de Santu Patrìtziu si fiat tenta in s'Istadu Lìberu de Irlanda, in sa tzitade de Dublinu in 1931, e fiat istadu revisionadu dae su tando Ministru de Defensa Desmond Fitzgerald. Mancari sa tzeoe in die sa tzelebratzione seculare esistet, sa festa est galu una festa religiosa osservada in unas cantas àreas.
A metade sos annos 1990 su guvernu irlandesu aiat cumintzadu a afortiare custa festividade a livellu internatzionale a su livellu de àteras tzelebratziones in su mundu.