Echo & the Bunnymen

Articulu in campidanesu

Is Echo & the Bunnymen sunt una band post-punk nàscia in su 1978 a Liverpool. In su Cumentzu sa band fiat cumposta dae Ian McCulloch, Will Sergeant e Les Pattinson. Sa fama benit cun traballus cummenti Heaven Up Here e Ocean Rain; in custu ùrtimu traballu ddoi est su cantu The Killing Moon. Su majore sucessu de sa band.

Echo & the Bunnymen a su Frequenze Disturbate festival, Fortezza abornoz (Urbino) su 6 de austu 2005

Istòria

Su Cumentzu

Su cantori Ian McCulloch fadiat parte de sa band Crucial Three, impari a Pete Wylie (prus innantis in sa band Wah!) e Julian Cope. McCulloch a pustis ponnit impari a su ghitarrista Will Seargent e su bassista Les Pattinson is Echo And The Bunnymen, e su primu traballu fiat Crocodiles (1980). Su baterista Pete De Freitas si acciungit a sa band candu is àteros fiant traballendi a s'album de cumentzu.

Su primu album tenit unu bonu successu, ma est scetti cun su segundu Heaven Up Here (1981) chi sa band tenit una majore fama. In su 1983 bessit Porcupine, cae donat a sa band unu successu ancora majore e arribat segundu in sa classificas inglesas e de is Istados Unidos de America. S'album Porcupine fiat su prèxiu de su pùbricu gràtzias puru a is singulos The Back Of Love e The Cutter. A pustis de un' annu sa band pubricat Ocean Rain, cae tenit singulos cumenti Never Stop, Seven Seas, e Killing Moon, su majore sucessu de sa band. In su 1985 Bessit sa raccolta Songs To Learn And Sing. In su internu de sa band incumentzat a ddoi essi una aria grai po curpa de is certus cae is musicantes teniant impari. A pustis, in su 1987 bessit un àteru traballu, su omònimu Echo & The Bunnymen, fatu impari a su baterista Haircut 100, ma torrau a registrai candu Pete De Freitas torrat in sa band. In su 1988 McCulloch lassat sa band e su batterista Pete De Freitas morit in d'unu incidenti in s'arruga cun sa moto cosa sua. Su gruppu si torrat a formai cun Will Seargent e Les Pattison, su cantori Noel Burke, su baterista Damon Reece e su tastierista Jacke Brockman, giai in sa band in diferentis cuntzertus. Su nou trabballu, Reverberation, bessiu in su 1989 fiat stètiu unu grandu flop e sa band decidit de si scallai. Ian McCulloch in su matessi tempus tenit unu bonu successu cun is album solistas Candleland (1989) e Mysterio (1992)

Impari Un' àtera borta

In su 1994 McCulloch e Sergent torrant a traballai impari asutta de su nomi Electrafixion e a pustis de tres annos si torrat a ponni impari su trio de is cummentzus cun su bassista Les Pattinson. Is Echo And The Bunnymen torrant aici impari e cun s'album Evergreen (1997) torrant a tenni unu successu mundialli. Prima de traballai a s'album What Are You Going To Do With Your Life? (1999), Pattinson bessit dae sa band po tenni cura de sa sa mammai. Chenze de issu McCulloch e Sergeant sighint impari e faint bessiri is traballus Flowers (2001) e Siberia (2005). Como sa band traballa po is cuntzertos impari a su baterista Simon Finley, su bassista Stephen Brennan, su ghitarrista Gordy Groudie e su tastierista Paul Flemming.

Discografia

Albums de istùdiu

• 1980 - Crocodiles
• 1981 - Heaven Up Here
• 1983 - Porcupine
• 1984 - Ocean Rain
• 1987 - Echo & the Bunnymen
• 1990 - Reverberation
• 1997 - Evergreen
• 1999 - What Are You Going to Do with Your Life?
• 2001 - Flowers
• 2005 - Siberia

Regoltas

• 1985 - Songs to Learn & Sing
• 1996 - Ballyhoo
• 2001 - Crystal Days 1979-1999 (4 CD Set)
• 2006 - More Songs to Learn and Sing

Albums live

• 2002 - Live in Liverpool
• 2006 - Me I'm all Smiles

Acàpius de foras

• (EN) Giassu ufitziale
• (EN) Villiers Terrace.com The Ultimate Echo and the Bunnymen Resource Archiviadu su 7 martzu 2012 in s'Internet Archive.