Sardu campidanesu

Lingua sarda de su Cabu de Giossu
(Reindiritzadu dae Campidanesu)


Articulu in campidanesu

Su campidanesu est sa bariedadi de sa lìngua Sarda fueddada in su Cabu de Giossu de sa Sardìnnia; si liaus sa Gallura e is logus acanta de Tàtari, totu is àterus sardus chistiònant su cabesusesu, est a narai su sardu de su Cabu de susu. Podeus pentzai ca totu is chi bivint prus a basciu de Aristanis fueddint a sa manera campidanesa.

Linguas e dialetus de Sardìnnia

Tocat a narai ca, in beridadi, no est aici sentzillu a pratziri is biddas in "cabesusesas" e "campidanesas", ca biddas a tipu Gadoni, Meana, Seulu, mancai siant giai giai prus a bàsciu de Aristanis, fueddant dialetus de transitzioni cun su cabesusesu. Si sciit poi ca ddoi at logus medas in ui is fueddus, e sa pronùntzia de cussus, pigant de totu is duas bariedadis chi eus nau, cumenti sutzedit in calincuna bidda de s'Ollasta, a tipu Jersu e Lanusè, o in biddas a tipu Làconi, in ui nant "ogiu" o “òlgiu” (in Jersu) po "ollu", ca assimbillat a su cabesusesu "ozu", "abba" po su campidanesu "acua" ma no nant "chibudda", ma "cibudda".

A inturu de su campidanesu e totu, ddoi at calincuna diferèntzia pitichedda dai bidda a bidda, ma custas funt de seguru prus pagus de is chi ddoi at de su campidanesu a su cabesusesu. Ndi podeus arremonai medas: me in logus acanta de Casteddu, a sa -d- chi tenit innantis e a palas una boxali, ddi nant -r- ("meda" ddu nant "mera"); in sa Marmilla a una -l- chi puru tengiat innantis e a palas una boxali ddi nant -b- ("soli" ddu nant "sobi"); sempri innoi, a sa primu personi a su tempus passau de su verbu dda faint bessiri cun -ìa o cun -à (deu "tenìa", "andà", "bufà", "scidìa"), candu me in atrus logus bessit cun -emu (deu "tenemu", "andamu", "bufamu", "scidemu"). Ndi at atras medas, ma seguramenti duus campidanesus, de cali si bollat chi siant biddas, si iant a cumprendi chentza problema perunu.

Po biiri unu esèmpiu de sardu campidanesu, bai a su Mogoresu.

Boxis assimilanti Modìfica

Acapius Modìfica