Eugenio Tavolara

iscultore, tzeramista, illustradore e designer sardu
Custu artìculu est iscritu cun sa grafia Flag of Sardinia, Italy.svgLimba Sarda ComunaFlag of Sardinia, Italy.svg. Abbàida sas àteras bariedades gràficas:

campidanesu · logudoresu · nugoresu


Eugenio Tavolara (Tàtari, 1901 – Tàtari, 1963) est istadu un'iscultore, tzeramista, illustradore e designer sardu.

BiografiaModìfica

Est connotu meda pro sos buratinos in linna e tessutu, chi rapresentant pastores e massajos sardos, realizados partinde dae su 1925 in sa domo ATTE fundada cun Tosino Anfossi. A pustis de s'ischirriada dae Anfossi e de sa fundatzione de una domo de arte noa, s'ALBA, sa produtzione decorativa sua s'at estèndidu a cumprèndere sugetos che a palliatzos, mùsicos jazz, animales, Pinocchio e unos àteros pessonàgios de sas fiabas.

S'òpera sua si notat mescamente pro sos ligàmenes cun s'artesania traditzionale sarda e sas artes aplicadas in gènere. Difatis s'at ispiradu a sos temas de sas decoraduras traditzionales e at propostu produtziones artisanales, creende issu matessi sos disinnos originales[1]. Pro custa resone sa tzitade de Tàtari l'at intituladu su padiglione pro s'artesania costruidu pro s'Istitutu sardu organizatzione traballu artigianale (ISOLA) progetadu dae s'architetu Ubaldo Badas. S'ISOLA est istadu istituidu dae sa Regione Autònoma de sa Sardigna in su 1957 e sa diretzione de s'ente est istada afidada a Eugenio Tavolara e a Ubaldo Badas. Tavolara s'at dedicadu cun dedizione assoluta e sos resurtados no ant tardadu a arribbare. Su matessi annu s'ISOLA at pigadu parte a sa Triennale de Milanu e est istada premiada cun sa medàllia de oro. In su 1958, semper cun sa punna de propònnere sos traballos de artisania traditzionale in su mercadu cuntemporàneu, ammaniat una mustra cun su tìtulu L'artigianato sardo nella casa moderna (S'artesania sarda in sa domo moderna) e sa rivista istadunidensa Home at dedicadu unu nùmeru a s'artesania sarda.

  • 1925 Medàllia de oro a s'Expo de Parigi pro sa prima sèrie de gioghitos in linna creada cun Tosino Anfossi, presentada in suta de su màrchiu ATTE.
  • 1933 esponet a sa Triennale de Milanu sos buratinos de linna rivestidas de tessutu suos
  • 1936 intrat a fàghere parte de su corpus de dotzentes de s'Istitutu istatale de arte de Tàtari
  • 1940, realizat su rilievu I dieci comandamenti (Sos deghe cumandamentos) pro sa corte de Assise de su palatzu de giustìtzia de Tàtari.
  • Divenit diretore artìsticu de s'ISOLA.

ÒperasModìfica

 
Pupias sardas, 1931-32

Buratinos in linna incurada e policromada, bestes in tessutuModìfica

  • Soldatini, 1931, sighende su disinnu de Mario Pompei.
  • Gruppo di pupazzi sardi(I e II sèrie), 1931-32,
  • Scene di vita sarda, 1933
  • Negri, 1933
  • Suonatori di jazz,
  • Sportivi, 1933
  • Mascherata sassarese, 1937 composta da 32 pezzi
  • Le avventure di Pinocchio, espostu in sa Mustra de s'artisania de Firentze in su 1939
  • Cavalcata sarda, esposta in su 1940 in sa Triennale milanesa, cumposta de pagu prus o mancu 200 cantzos.
 
Portale in brunzu de sa crèsia de sa Soledade de Nùgoro

Intzisiones e isculturasModìfica

  • La Via Crucis de sa crèsia de Carbònia, 1938
  • I dieci comandamenti, 1939-40
  • Storia della scrittura, 1952. Pannellu decorativu, in steatite e màrmaru, pro una butega Olivetti in Tàtari (4m. X 3m. belle)
  • Via Crucis, portale, tabernàculu, candelabros e rughes, crèsia de sa Soledade in Nùgoro, 1950-1954
  • Padiglione pro s'artesania "Eugenio Tavolara", cun Ubaldo Badas, Tàtari, 1956.

NotasModìfica

  1. Arte e artesania, in www.sardegnacultura.it. URL consultadu su 27 santandria 2019.

BibliografiaModìfica

Àteros progetosModìfica

Ligàmenes esternosModìfica

Controllu de autoridadeVIAF (EN57421440 · ISNI (EN0000 0000 3161 4591 · Europeana agent/base/147238 · LCCN (ENn95034629 · RERO 02-A003889755 · SBN (ITIT\ICCU\SBLV\031935 · SUDOC (FR070349096 · WorldCat Identities (ENn95-034629