Open main menu

Nùgoro-Istemma.png
Articulu in nugoresu
Nùgoro-Istemma.png

Manifestantes chin bandèras falàos in Pratta de s'Indipendentzia (Kiev).

Chin su favèddu de EuroMaidan si ìnditan tottus sas manifestàdas pro-europeas de su 2013-2014 in Ucraina, chin sun cumintzàdas a nàschere cando, in su 21 de Sant'Andrìa de su 2013, su gubernu ucrainu aìat suspéndiu un'accordu de sòtziu tra s'Ucraina e s'Unione Europea.

Su movimentu tenet su lùmen de EuroMaidan pro tottu su chi de importu mannu est accadìu in Pratta de s'Indipendèntzia, o Maidan, chi est cussa printzipale de Kiev (in ucrainu: Євромайдан, Yevromaïdan). An a pùstis mudàu su lùmen in Eurorevolution (in ucrainu: Єврореволюція, Yevrorevolioutsia).

Cronaca de sa chèsciaModìfica

In su 30 de Sant'Andrìa, sa zente chi manifestabat de manèra pachiòsa in Kiev che l'at bocada a fortza su gubernu dae Pratta Maidan (o "de s'Indipendentzia"), ind un'attu chi ch'at pesàu unu muntone de chèscias a libellu internatzionale, un'appellu a s'iscioperu zenerale, s'occupamentu de sa tzittade de Kiev e su bloccu de tottus sos zassos istitutzionales. Sos manifestantes, chi dìan èssere prus de 100.000, pèdin sa tuccàda de su presidente Viktor Yanukovych.

In s'8 de Nadàle de su 2013, unas chentìnas de mìza de pessones s'an adobiàu in pratta pro nàrrer chi eja a s'Europa e s'istesiàre dae sa Russia. In Kiev, in su cursu de sa manifestada, sa zente ch'at ghettàu a terra un'istatua de Lenin, secàndeli sa conca.

In su 25 de jannàrju de su 2014, su presidente Janukovyč at propostu a sos capos de s'oppositzione sa presidèntzia ucraina, dàndeli custa offerta: custos bi l'an peròe refudàda, e sa dìe chi est bènnia a pùstis sos manifestantes an occupau su palattu de sas espositziones "Domo Ucraina", fravicàu in s'epoca sovietica, furàndeli su cuntrollu a s'autoridade.

Interventu diplomaticu pro ch'essìre dae sa crìsiModìfica

A 2014 cumintzàu, Barack Obama aìat mandau in Ucraina Victoria Nuland, diplomatica americana pro sos rapportos chin s'Europa e s'Eurasia, pro s'istudiare sa situatzione chircànde fìntzas una manera pro siche la isbolicàre. Su pianu issoro pro che fàcher essìre s'Ucraina dae sa crisi bidìat s'interventu de s'ONU, chin su placet americanu a su prozettu, e dìat dèper pònner de accòrdu siat sos manifestantes falàos in pratta, siat sa Russia de Vladimir Putin chi sa politica natzionale ucraina si b'aìat meda accurtziàu.