Europa tzentrale

Artìculu in LSC

S'Europa tzentrale, fintzas Mitteleuropa, est sa regione de s'Europa posta a sa rughera intre Europa Otzidentale, Europa Setentrionale, Europa meridionale e Europa orientale. Rapresentat su tzentru istòricu de su cuntinete, non de cunfundere cun su tzentru geogràficu, postu a mesu caminu intre otzeanu Atlànticu e montes Urales.

Istados e regiones de su cuntinente chi faghet parte de s'Europa tzentrale

Su faeddu e s'interèssiu in sa regione etotu at torradu a bessire a foras a fatu de s'acabu de sa gherra frida, chi at partzidu politicamente in duos chirros (estu e uestu) s'Europa pro durada de una barantina de annos.

Prus chi non una entitade fìsica, s'Europa tzentrale est unu cuntzetu geogràficu e culturale, cun una istòria comuna chi dda sèberat dae is àreas a curtzu.

Istados

Is istados de s'Europa tzentrale sunt fatufatu agrupados fintzas che istados orientales o otzidentales. Is istados allistados a bàsciu sunt nointames cunsirados tzentrales segundu medas funtes:

• - Àustria
• - Germània
• - Islovàchia
• - Islovènia
• - Polònia
• - Repùblica Ceca
• - Ungheria

Àteros indìtos, pro resones istòricas tirant a mesu fintzas territòrios chi ant fatu parte de s'impèriu Àustro-Ungheresu e de s'impèriu tedescu, duncas pro su chi pertocat su primu:

• - Croàtzia
• - Romania

Is republicas bàlticas fiant intames de ròdia tedesca:

• - Estònia
• - Letònia
• - Lituània

Partes minores de is istados chi sighint sunt fatufatu tentas a contu che partes de s'Europa tzentrale:

• - Isvìtzera
• - Itàlia (Trentinu-Südtirol, Friuli, Gorizia, Trieste e carchi borta totu s'Itàlia setentrionale)
• - Liechtenstein
• - Ucraina