Fan service

Articulu in nugoresu

Fan service (in giapponesu simpremènte saabisu, «service») est unu favèddu tìpicu de anime e manga giapponèsos chi in sardu est a bortàre, a sa lìtera pro nde cumprènder mènzus su sinnìficu berdadèru, comènte "servìtziu pro sos amantiòsos". Su vocàbulu si imprèat pro inditàre tzèrtos particulàres e bisùras, chi si dìan atteramènte pòder lassàre de su tottu a bànda ma sos produttòres che pònen pètzi pro suddisfàcher a unu tzèrtu tìpu de prùbicu, chi lis sèrbit de target (mescamènte semus arresonànde de otaku).

Tìpicu fan service: una fèmina bestìa a ispiàggia.

A su sòlitu, càndo si chistiònat de fan service nos riferìmus a cussu sessuale, ma bi nd'at de àtteras càstas, comènte a violèntzia ammustràda de bàdas o sapidorìa tecnica; sicùndu de càrchi crìtica fìntzas sos cameos, sos omàjos, sas tzitadùras e guest star sun in custa categorìa.

Su favèddu tènet a s'ispìssu, connotassiòne negatìva, ma non sèmper: su fan service est una cosa mala a no nche pònner, cando su trabàllu si fàchet pro unu prùbicu ampru; ammustràre su valore de un'autòre est a lu ischìre usàre.