Giapone

Custu artìculu est iscritu in sa grafia logudoresa. Abbàida sas àteras bariedades gràficas:

campidanesu · LSC · nugoresu

Su Giapone (日本, Nihon にほん o Nippon にっぽん) est una natzione insulare de s'Asia Orientale. Sos caràteres chi cumponent su nùmene de su Giapone cherent nàrrere literalmente "Acantu naschet su sole", pro custu su Giapone est connotu finas comente «Terra de su Sole Levante», unu nùmene chi derivat dae sa positzione orientale de s'istadu rispetu a sa Tzina. Si creet ca su nùmene impreadu in otzidente siat derivadu dae su de unu dialetu de sa Tzina meridionale su cale est pronuntziadu/jāk-bəng/. Su nòmene ufitziale est Nihon-koku o Nippon-koku.

Giapone
Giapone - Localizzazione
Datos amministrativos
Nùmene intreu	Giapone
Nùmene ufitziale	日本国 Nihon-koku, Nippon-koku
Limbas ufitziales	Giaponesu
Àteras limbas	limbas ryukyu, ainu
Capitale	Tōkyō  (14.097.838 ab. / 2023)
Polìtica
Forma de guvernu	Monarchia Parlamentare
Cabu de Istadu	Naruhito (Imperadore)
Cabu de Guvernu	Fumio Kishida
Mannària
Totale	377.975 km²
Populatzione
Totale	124.913.000 ab. (2022)
Densidade	333 ab./km²
Nùmene de sos abitantes	giaponesos
Geografia
Continente	Àsia
Fusu oràriu	UTC+9
Economia
Valuta	yen
Vàrias
Còdighes ISO 3166	JP, JPN, 392
TLD	.jp
Prefissu tel.	+81
Sigla autom.	J
Innu natzionale	君が代 Kimi ga yo "Il regno dell'imperatore"
Festa natzionale	11 Freàrgiu
Giapone - Mapa

Sa popolatzione de su Giapone est de 124 milliones de bividores e sa capitale e tzitade printzipale est Tōkyō.

Geografia

Su Giapone est un'arcipèlagu cun 14.125 ìsulas, sas printzipales sunt chimbe Honshū, Kyūshū, Shikoku, Hokkaidō e Okinawa. S'agatat in su Ocèanu Pacìficu, a est de sa Cina, Corea e Russia s'allongat dae su mare de Okhotsk a nord fintzas a su Mare Cinesu Meridionale a sud.

Su Giapone est pro unu 67% montuosu o in montiju pro su prus buscosu, est postu in una zona geològica zóvane e est parte de sa tzintura de fogu de su Ocèanu Pacìficu, pro custu de frecuente bi sunt terremotos e maremotos (tsunami). S'agatat medas vulcanos ativos su prus fentomadu est su Monte Fuji Fuji-san (3.776m) in s'ìsula de Honshū, e su Monte Aso (1592 m) in s'ìsula de Kyūshū. Sa pianura est solu unu 19,3% (11% agricultura, 8,3% abitadu).

Istòria

S'istòria de su Giapone at raighinas chi partint dae 10.000 annos innantis de Cristu.

Periodu Jōmon (10000 a.C.-300 a.C.), in custu perìodu s'atividade printzipale de sos òmines fit cussa de sa catza e de sa pisca, e produssione de tzeràmica.

Periodu Yayoi (300 a.C.-250 d.C.), comintzada sa piantadura de su risu in s'isula de Honshū e Kyūshū.

Periodu Kofun (300-538), in custu perìodu sos òmines fin separados in tribù (uji), su prus mannu fit su clan Yamato.

Giapone classicu/antigu

Periodu Asuka (538-710), est su primu perìodu buddhista. In custu tempus su buddhismu est diventadu ufitziale in su clan Yamato. Un'àteru clan importante de custu perìodu fit su clan Soga.

Periodu Nara (710-794), dapoi de calchi gherra tra clan sa capitale de s'imperu est diventada sa tzitade de Nara.

Periodu Heian (794-1185), su nùmene cheret nàrrere capitale de sa paghe e de sa trancuillidade (Heian-kyō). In custu perìodu sa famìlia Fujiwara est a su tzentru de sa Corte imperiale, e sa capitale est Kyōto.

Dapoi de sa batalla navale de Dan no Ura in su 25 abrile de su 1185 sas famìlia Minamoto (duos frades Yoshitsune e Yorimoto) est diventada su clan prus balente, e Yorimoto est diventadu shōgun.

Giapone medievale

Periodu Kamakura (1185-1333), dae su 1185 a su 1333 sa famìlia Minamoto e sa famìlia Hojo (famìlia de sa muzere de Yoritomo) an guvernadu su Giapone. Ma a pagu a pagu sos segnorottos feudales (daimyō) an comintzadu ad aere prus autonomia.

Dae s'àtera parte s'imperadore Go Daigo, cun s'azudu de sos àteros clan cheriat torrare a guvernare su paese, ma unu de custos Ashikaga Takauji s'est rebelladu fatende unu scisma cun duos imperadores. Unu lezìtimu disterradu, e s'ateru illezìtimu a Kyōto, in sa zona Muromachi.

Perìodu Muromachi (1333-1573), dae su 1467 a su 1568 su Giapone fit difìtzile dae guvernare e bi fin medas battallas (Sengoku jidai).

A giru de su 1542 e1543 sunt arrivados sos europeos in s'ìsula de Kyūshū, cun issos sunt arrivadas puru sas primas armas de fogu (s'archibùgiu). In su 1571 est istada fundada sa prima istazione cummerciale a Nagasaki.

In su 1573 est diventadu shogun Oda Nobunaga.

Giapone premodernu

Periodu Azuchi-Momoyama (1573-1600), su Giapone torrada ad essere unidu suta a un'ùnicu guvernu pro volontade de tres shōgun: Oda Nobunaga, Toyotomi Hideyoshi e Tokugawa Ieyasu. Nobunaga e Hideyoshi aiant traballadu meda pro diminuire sa fortza de sos daimyo. A sa morte de Hideyoshi in 1598 bi fit una gherra tzivile tra sos daimyo prus balentes, e a sa fine sa bitòria est de Tokugawa Ieyasu.

Oda Nobunaga, Toyotomi Hideyoshi e Tokugawa Ieyasu

Periodu Edo (1600-1868), est su perìodu prus fentomadu de s'istòria giaponesa, su nou shogun Tokugawa Ieyasu, at fatu de su shogun s'òmine prus importante de su Giapone totu, e de s'imperadore solu unu sìmbulu chena potere guvernativu.

Sutta Tokugawa est istadu fatu unu sistema econòmicu e burocràticu nou, e puru unu sistema giuditziàriu natzionale. Custu est istadu unu perìodu de paghe e prosperidade pro sa natzione.

In su perìodu Edo sos istranzos bènnidos da s'Europa predicaian su Cristianesimu, custu non piaghiat meda a su shogun tantu chi dae su 1641 a su 1853 su Giapone fit serradu a totu sos istranzos (Sakoku). Petzi in una ìsula minore de Nagasaki (Dejima) fit cuntzessu a sas naves istranzas de cummertziare cun sos giaponesos.

Tra su 1830 e su 1840 bi fin meda caristias, e sa pressione de sas natziones otzidentales, faghet diminuire sa fortza de su shogun, e a pagu a pagu s'imperadore torrada ad essere tzentrale in su guvernu.

Giapone modernu

Periodu Meiji (1868-1912), est su perìodu de sa torrada a su podere de s'imperadore e de sa modernizatzione de su Giapone. Bi fit s'abertura a su cummèrtziu internassionale, e una prima forma de costitutzione parlamentare. Si ant isvilupadu sos servìtzios pùblicos, istradas e ferruvias, fraigada medas indùstrias.

In custu perìodu su Giapone est diventadu meda natzionalista et imperialista, faghende gherras cun sa Cina (1894-1895), e cun sa Russia (1904-1905).

Organizadura polìtica

Su Giapone est una monarchia costitutzionale. S'imperadore (como Naruhito), segunde sa costitutzione de su 1947, est "su sìmbulu de sa Natzione e de sa unidade de su pòpulu", fatende de issu mascamente una figura simbòlica. Su podere efetivu est tènnidu dae su Primu Ministru (como Fumio Kishida) e sos àteros elezidos in sa Dieta.

Regiones e prefeturas de su Giapone

Su Giapone est divididu in 8 regiones e 47 prefeturas.

Lista de sas prefeturas

Prefetura	Bandera	Tipu	Cabu de logu	Regione	Ìsula	Populatzione	Superfitzie (km²)	Densidade (pro km²)	Distretos	Comunes	ISO
Aichi (愛知県)		Ken	Nagoya	Chūbu	Honshū	7,255,000	5,165	1,415	15	88	JP-23
Akita (秋田県)		Ken	Akita	Tōhoku	Honshū	1,146,000	11,612	98	8	65	JP-05
Aomori (青森県)		Ken	Aomori	Tōhoku	Honshū	1,437,000	9,606	148	8	61	JP-02
Chiba (千葉県)		Ken	Chiba	Kantō	Honshū	6,056,000	5,156	1,178	9	80	JP-12
Ehime (愛媛県)		Ken	Matsuyama	Shikoku	Shikoku	1,468,000	5,678	257	7	28	JP-38
Fukui (福井県)		Ken	Fukui	Chūbu	Honshū	822,000	4,188	196	10	29	JP-18
Fukuoka (福岡県)		Ken	Fukuoka	Kyūshū	Kyūshū	5,050,000	4,977	1,016	17	91	JP-40
Fukushima (福島県)		Ken	Fukushima	Tōhoku	Honshū	2,091,000	13,782	151	17	88	JP-07
Gifu (岐阜県)		Ken	Gifu	Chūbu	Honshū	2,107,000	10,621	198	15	56	JP-21
Gunma (群馬県)		Ken	Maebashi	Kantō	Honshū	2,024,000	6,363	318	12	61	JP-10
Hiroshima (広島県)		Ken	Hiroshima	Chūgoku	Honshū	2,877,000	8,479	339	10	37	JP-34
Hokkaidō (北海道)		Dō	Sapporo	Hokkaidō	Hokkaidō	5,628,000	83,456	71	77	222	JP-01
Hyōgo (兵庫県)		Ken	Kōbe	Kansai	Honshū	5,591,000	8,396	666	13	60	JP-28
Ibaraki (茨城県)		Ken	Mito	Kantō	Honshū	2,975,000	6,096	488	13	61	JP-08
Ishikawa (石川県)		Ken	Kanazawa	Chūbu	Honshū	1,174,000	4,185	280	7	25	JP-17
Iwate (岩手県)		Ken	Morioka	Tōhoku	Honshū	1,385,000	15,279	90	12	59	JP-03
Kagawa (香川県)		Ken	Takamatsu	Shikoku	Shikoku	1,012,000	1,877	538	6	37	JP-37
Kagoshima (鹿児島県)		Ken	Kagoshima	Kyūshū	Kyūshū	1,753,000	9,188	190	12	96	JP-46
Kanagawa (神奈川県)		Ken	Yokohama	Kantō	Honshū	8,792,000	2,416	3,655	7	37	JP-14
Kōchi (高知県)		Ken	Kōchi	Shikoku	Shikoku	796,000	7,104	111	7	53	JP-39
Kumamoto (熊本県)		Ken	Kumamoto	Kyūshū	Kyūshū	1,842,000	7,406	248	11	94	JP-43
Kyoto (京都府)		Fu	Kyoto	Kansai	Honshū	2,648,000	4,613	573	12	44	JP-26
Mie (三重県)		Ken	Tsu	Kansai	Honshū	1,867,000	5,777	324	14	69	JP-24
Miyagi (宮城県)		Ken	Sendai	Tōhoku	Honshū	2,360,000	7,286	323	15	71	JP-04
Miyazaki (宮崎県)		Ken	Miyazaki	Kyūshū	Kyūshū	1,153,000	7,735	148	8	44	JP-45
Nagano (長野県)		Ken	Nagano	Chūbu	Honshū	2,196,000	13,562	161	16	120	JP-20
Nagasaki (長崎県)		Ken	Nagasaki	Kyūshū	Kyūshū	1,479,000	4,096	358	9	79	JP-42
Nara (奈良県)		Ken	Nara	Kansai	Honshū	1,421,000	3,691	384	8	47	JP-29
Niigata (新潟県)		Ken	Niigata	Chūbu	Honshū	2,431,000	12,583	192	16	111	JP-15
Ōita (大分県)		Ken	Ōita	Kyūshū	Kyūshū	1,210,000	6,339	190	12	58	JP-44
Okayama (岡山県)		Ken	Okayama	Chūgoku	Honshū	1,957,000	7,113	275	18	78	JP-33
Okinawa (沖縄県)		Ken	Naha	Kyūshū	Okinawa	1,362,000	2,276	602	5	53	JP-47
Ōsaka (大阪府)		Fu	Ōsaka	Kansai	Honshū	8,817,000	1,898	4,647	5	44	JP-27
Saga (佐賀県)		Ken	Saga	Kyūshū	Kyūshū	866,000	2,440	354	8	49	JP-41
Saitama (埼玉県)		Ken	Saitama	Kantō	Honshū	7,054,000	3,797	1,862	9	90	JP-11
Shiga (滋賀県)		Ken	Ōtsu	Kansai	Honshū	1,380,000	4,017	346	11	50	JP-25
Shimane (島根県)		Ken	Matsue	Chūgoku	Honshū	742,000	6,708	110	12	59	JP-32
Shizuoka (静岡県)		Ken	Shizuoka	Chūbu	Honshū	3,792,000	7,780	488	12	74	JP-22
Tochigi (栃木県)		Ken	Utsunomiya	Kantō	Honshū	2,017,000	6,408	315	7	49	JP-09
Tokushima (徳島県)		Ken	Tokushima	Shikoku	Shikoku	810,000	4,146	194	10	50	JP-36
Tōkyō (東京都)		To	Tōkyō	Kantō	Honshū	12,577,000	2,188	5,788	6	49	JP-13
Tottori (鳥取県)		Ken	Tottori	Chūgoku	Honshū	607,000	3,507	172	6	39	JP-31
Toyama (富山県)		Ken	Toyama	Chūbu	Honshū	1,112,000	4,248	261	6	27	JP-16
Wakayama (和歌山県)		Ken	Wakayama	Kansai	Honshū	1,036,000	4,726	218	7	50	JP-30
Yamagata (山形県)		Ken	Yamagata	Tōhoku	Honshū	1,216,000	9,323	130	19	54	JP-06
Yamaguchi (山口県)		Ken	Yamaguchi	Chūgoku	Honshū	1,493,000	6,113	243	11	56	JP-35
Yamanashi (山梨県)		Ken	Kōfu	Chūbu	Honshū	885,000	4,465	197	8	64	JP-19