Fukushima

Custu artìculu est iscritu cun sa grafia

Limba Sarda Comuna

. Abbàida sas àteras bariedades gràficas:

Fukushima

Nùmene ufitziale:	Fukushima-shi
Istadu:	Giapone
Regione:	Tōhoku
Ladiore:	37°37′28″ Nord
Longhiore:	140°34′15″ Est
Artiore:	67 m. subra su mare
Tirada:	767,72 km²
Populatzione:	287 357 374,3 biv./km²
Còdighe postale:	07201-0
Prefissu telefònicu:	024
Giassu web:	https://www.city.fukushima.fukushima.jp

Fukushima (in giaponesu: 福島市 Fukushima-shi) est una tzitade de su Giapone, bidda manna de sa prefetura omònima a subra de s'ìsula de Honshū. In su 2019 sa tzitade teniat unos 287.000 abitantes. Est connota prus che totu pro su disastru nucleare de Fukushima Dai-ichi, acontèssidu in sa tzentrale omònima a unos 60 km a tesu in lìnia de àera.

Istòria

In passadu ddi naraiant "Shinobu-no-sato," bidditzolu de Shinobu. In su sèculu XII, su sennore feudale Suginome Taro aiat fraigadu su casteddu Suginome e su bidditzolu aiat cumintzadu a s'isvilupare a giru de su casteddu de Fukushima. In su perìodu Edo, Fukushima aiat cumintzadu a prosperare gràtzias a sa produtzione de seta e de is tèssidos suos e su nòmine suo est essidu famadu fintzas in Kyoto. A pustis de su "Rinnovamentu Meiji" in su 1868 ant istabilèssidu in Fukushima un'ufìtziu de sa prefetura e unu de sa Banca de su Giapone. Custa est istada sa prima banca natzionale in sa regione de Tōhoku.^[1] Sa tzitade est istada fundada su 1 de abrile de su 1907. Su 1 de trìulas de su 2008 a Fukushima ant agiuntu sa localidade de Iino, chi aparteniat a su Distretu de Datas.

S'intzidente in sa tzentrale nucleare

Su matessi argumentu a sa minuda: Disastru nucleare de Fukushima Dai-ichi.

Sa tzitade at tentu una notoriedade mundiale improvisa cando, a pustis de su terremotu de su 11 de martzu 2011 est acontèssidu unu intzidente grae in sa tzentrale nucleare, chi s'agatat 60 chilòmetros a tesu. Pro neghe de is livellos de radiatziones, mancari no apant giutu a s'evacuatzione de sa tzitade, is bividores ant prefertu a abarrare in domo a merì, ismenguende is fainas econòmicas noturnas in tzitade.^[2]

Riferimentos

↑ Toru Takeda, Tomio Hishinuma e Kinuyo Kamieda, Hello! Fukushima - International Exchange Guide Book, Fukushima, Fukushima Mimpo Press, 1988, p. 66.
↑ Bars empty in lonely city near Japan nuclear accident, in reuters.com. URL consultadu su 1º maggio 2019 (archiviadu dae s'url originale su 25 santandria 2015).

[1] Toru Takeda, Tomio Hishinuma e Kinuyo Kamieda, Hello! Fukushima - International Exchange Guide Book, Fukushima, Fukushima Mimpo Press, 1988, p. 66.

[2] Bars empty in lonely city near Japan nuclear accident, in reuters.com. URL consultadu su 1º maggio 2019 (archiviadu dae s'url originale su 25 santandria 2015).

[1]

[2]