Frantziscu Cheratzu
Limba Sarda Comuna. Abbàida sas àteras bariedades gràficas:
Frantziscu Cheratzu (Ilartzi, 1960) est un'iscritore, editore e giornalista sardu. Est fundadore e amministradore de sas domos editoras Condaghes[1][2] e NOR[3] e Responsàbile Limbas de sa FINS.[4]
| Frantziscu Cheratzu | |
|---|---|
| Nàschida | 1960 Ilartzi |
| Traballu | iscritore, editore e giornalista |
Biografia
modìficaNàschidu in Ilartzi at coladu sa pitzinnia in Austràlia[4][4][1] e, a pustis, s'est laureadu in matemàtica. In su 1992 at fundadu sa domo editora Condaghes, cun Giuanne Manca chi est intradu comente sòtziu in su 1994. Dae su 1996 est amministradore ùnicu de sa sotziedade.[2]
In su 1999, a pustis de sas leges regionales e natzionales a suportu de sa limba sarda, cun sa Condaghes at creadu sa collana "Paberiles" chi, pro medas annos, at publicadu deghinas e deghinas de romanzos noos in limba sarda, e fintzas tradutziones e rieditziones, chi ant permìtitu de fàghere connòschere a unu pùblicu semper prus mannu sa literadura in limba sarda.[5][6]
Comente istudiosu in su 1991 at curadu, in paris cun Piero Ausonio Bianco, un'editzione crìtica de "Su patriotu sardu a sos feudatàrios" de Frantziscu Ignàtziu Mannu, chi at retzidu fintzas una retzensione positiva a livellu internatzionale in su Times Literary Supplement.[7]
A sa sola, imbetzes, in su 1995 at curadu una rieditzione de sos iscritos de Carlo Cattaneo e Giuseppe Mazzini chi pertocaiant a sa Sardigna, e in su 2006 una regorta de iscritos de 15 iscritores in limba sarda in subra de sa chistione de sa normalizatzione de su sardu.
In su 2010 at fundadu sa domo editora NOR, cun sa cale at incumentzadu a publicare in digitale ebbia finas a su 2012, e a pustis fintzas in paperi.[3]
Collàborat fintzas cun su diàriu in lìnia "Limba Sarda 2.0"[8], e dae su 2018 est divènnidu su Responsàbile Limbas de sa FINS - Federatzione Isport Natzionale Sardu.[4]
Òperas
modìfica- Piero Ausonio Bianco e Francesco Cheratzu, Su patriottu sardu a sos feudatarios di Francesco Ignazio Mannu, Casteddu, Condaghes, 1991, OCLC 32431821.
- (IT) Carlo Cattaneo e Giuseppe Mazzini, La terza Irlanda: gli scritti sulla Sardegna di Carlo Cattaneo e Giuseppe Mazzini, a incuru de Francesco Cheratzu, Casteddu, Condaghes, 1995, OCLC 879804759.
- Frantziscu Cheratzu (a incuru de), Su chistionu de s'allega: osservatziones, ideas e propostas apitzu de sa limba sarda, Casteddu, Condaghes, 2003, ISBN 978-88-7356-009-8, OCLC 918052399.
- Frantziscu Cheratzu, Sa paristória de Bakis, illustratziones de Eva Rasano, Elisa Marras e Alessandro Olla, Casteddu, Condaghes, 2006, ISBN 978-88-7356-090-6.
Riferimentos
modìfica- ↑ 1.0 1.1 Francesco Cheratzu, in SBS - Servìtzios Bibliogràficos Sardos. URL consultadu su 29 cabudanni 2020.
- ↑ 2.0 2.1 Chie semus, in www.condaghes.it. URL consultadu su 29 cabudanni 2020.
- ↑ 3.0 3.1 Chie semus, in NOR Edizioni. URL consultadu su 29 cabudanni 2020.
- ↑ 4.0 4.1 4.2 4.3 Frantziscu Cheratzu est su Responsàbile Limbas de FINS, in FINS, 10 santandria 2018. URL consultadu su 29 cabudanni 2020.
- ↑ Ùrtimas propostas de sa literadura, in www.sardegnacultura.it. URL consultadu su 30 cabudanni 2020 (archiviadu dae s'url originale su 27 santugaine 2020).
- ↑ (IT) Condaghes, in Associazione Adei. URL consultadu su 30 cabudanni 2020.
- ↑ Su patriottu sardu a sos feudatarios, in SBS - Servìtzios Bibliogràficos Sardos. URL consultadu su 30 cabudanni 2020.
- ↑ Redatzione, in Limba Sarda 2.0. URL consultadu su 30 cabudanni 2020.
Artìculos ligados
modìficaLigàmenes esternos
modìfica- Ischeda in subra de Frantziscu Cheratzu, in SBS - Servìtzios Bibliogràficos Sardos. URL consultadu su 30 cabudanni 2020.
| Controllu de autoridade | VIAF (EN) 273558723 · ISNI (EN) 0000 0003 8409 1677 · BIBSYS (EN) 90899006 · LCCN (EN) nr94024099 · OL OL10816618A · SBN (IT) CFIV140482 · SUDOC (FR) 145422283 · WorldCat Identities (EN) nr94-024099 |
|---|