Giuseppe Paderi Concas

Custu artìculu est iscritu in sa grafia campidanesa. Abbàida sas àteras bariedades gràficas:

logudoresu · LSC · nugoresu

Giuseppe Paderi Concas
pìscopu de sa Crésia Catolica
Tìtulu:	pìscopu de s'Ogiastra
Incàrrigos betzos:	vicàriu de Biddeputzi pìscopu de s'Ogiastra

Giuseppe Paderi Concas (Biddeputzi, 22 mes'e idas 1826 - Tortolì, 30 ladàmini 1906) est stau unu pìscopu catòlicu italianu.

Biografia

Ministèriu satzerdotali

Est intrau in su seminàriu de Casteddu e at cumintzau is stùdius de teologia in s'Universidadi de Casteddu: at pigau su bacellierau in su 1847, sa licèntzia in su 1849 e sa làurea in su 1850 cun sa tesi De consensu ad contrahendum requisito. Est stau ordinau satzerdotu su 15 martzu 1851 e at imparau dogmàtica e morali. Est stau posca vicàriu de Biddeputzi, logu nadali suu, canònigu penitentzieri, prelau domèsticu de Santidadi Sua e retori de su seminàriu diotzesanu. In su 1898 prèigat paris cun mons. Raffaele Piras de Casteddu is Missionis Santas in Biddeputzi.

Ministèriu obispali

Est stau cunsagrau pìscopu de mons. Paolo Giuseppe Maria Serci Serra, archipìscopu de Casteddu, su 29 trìulas 1900, co-cunsagrantis mons. Raimondo Ingheo-Ledda, pìscopu de Igrèsias, e mons. Palmerio Garau Onida, pìscopu de Ales e Terraba. In su 1903 at co-cunsagrau mons. Luca Canepa, elìgiu pìscopu de Garteddi-Nùgoro.

In su 1904 at dedicau sa crèsia parrochiali de Biddeputzi, antis dedicada a santa Caterina de Alessàndria, a su patronu de sa bidda santu Giorgi màrtiri, a pustis chi sa crèsia bècia a issu dedicada est diventada arruinas in is primu annus de su sèculu. In su 1905 at bòlliu s'assentu de dus altaris in is transetus de sa Catedrali de santu Andria in Tortolì, in cuddu tempus sedi obispali de sa diòtzesi, dedicaus unu a santu Giusepi e s'àteru a su Coru Sagrau.

S'est mortu su 30 de ladàmini 1906 in Tortolì, e est stau interrau in sa losa de sa Catedrali de santu Andria.

Genealogia obispali

Sa genealogia obispali est:

• Pìscopu William Coppinger
• Pìscopu John Murphy
• Archipìscamu Patrick Joseph Carew
• Archipìscopu Giovanni Antonio Balma, O.M.V.
• Archipìscopu Paolo Giuseppe Maria Serci Serra
• Pìscopu Giuseppe Paderi Concas