Indipendentismu cadelanu

Articulu in logudoresu

S'indipendentismu cadelanu (in cadelanu independentisme català) est unu movimentu sotziale, curturale e polìticu chi punnat a s'indipendèntzia de sa Catalugna e, allarghèndesi unu pacu su cuntzettu, a sos gai nados Paisos Cadelanos, faghèndeche un'istadu soberanu in intro de s'Unione Europea.

S'indipendentismu cadelanu est connottu pro tènner raighina fundàda in subra de sa cultura e de sa limba, chi Francisco Franco aìat chircadu de ch'ispèrder in sos annos de sa ditadura fascista.

Bìa Cadelana in Bartzellona (Camp Nou).

Su sìmbulu de su movimentu est sa bandera nada estelada.

Manifestadas

In su 10 de trìulas de su 2010, bi at àpidu in Bartzellona una manifestada pro s'autonomia cadelana, chi li at sighidu un'attera in s'undighi de Cabidanne de su 2012.

In su 11 de Cabidanne de su 2013, parìtzos assotzios de sa sotziedade tzivile an fattu una cadena umana longa prus de 400 km, nada "Bìa Cadelana", cund unu numeru mannu de zente chi bi at partetzipadu in 86 comunos cadelanos (~ 1,6 miliones de persones), chi si li depet azungher sa tzittade sarda, ma de traditzione cadelana, de S'Alighera.