Praia
Coordinadas: 14°55′03.79″N 23°30′32.96″W / 14.917719°N 23.509156°W
Artìculu in LSC
Praia est sa capitale de Cabu Birde, puru cabulogu de sa contea omònima. S'agatat in s'ìsula de Santiago, in s'arcipelagu de Sotavento. Su nùmene Praia in limba portughesa cheret nàrrere "praja", comente a in diversas limbas crèolas de Cabu Birde.
Cun una populatzione de 159.050 bividores (datu de su 2017)[1], Praia est sa prus tzitade manna de Cabu Birde. Rapresentat fintzas su printzipale polu cumertziale, portuale e turìsticu e acasàgiat s'aeroportu internatzionale Nelson Mandela.
Su tzentru de sa tzitade est situadu in unu pranu minore e pro custu resone pigat su nùmene de Platô. Is localidades printzipales in sa zona a inghìriu sunt Cidade Velha, Porto Gouveia, Porto Mosquito e Santa Ana.
In Praia si faeddat una limba crèola narada crioulo de Santiago ("crèolu de Santiago"). Sa tzitade est sede de sa Diòtzesi de Santiago de Cabu Birde.
Àteros progetos modìfica
| Wikimedia Commons tenet files chi ligant a: Category:Praia |