JSON Meta Application Protocol
campidanesa. Abbàida sas àteras bariedades gràficas:
logudoresu · LSC · nugoresu
JSON Meta Application Protocol (JMAP) est unu protocollu de arretza in fasi de svilupu po s'imbiu de posta eletrònica e acessu a is casellas. S'idea est chi pighit su logu de IMAP e SMTP[1][2].
Impari, funt svilupaus fintzas protocollus po sa sincronia de rubricas e calendàrius chi ant a pigai su logu de CardDAV e CalDAV[3].
Arrexonis
modìficaSegundu unus catu autoris, is protocollus impreaus oindii funt tropu cumplicaus e pagu cunforma a su tempus. Custu a una parti at firmau su svilupu de clientis de posta eletrònica modernus e a s'àtera at portau a su svilupu de protocollus propietàrius o estensionis propietàrias de is chi esistint[1].
IMAP no est bonu meda po dispositivus mòbilis, giai chi est unu protocollu cumplessu e ddi serbit una connessioni stàbili po funtzionai beni[4].
JMAP si proponit comenti solutzioni aberta e moderna a custus problemas.
Svilupu
modìficaS'idea e una primu impostadura de JMAP est stètia presentada de su frunidori de posta eletrònica australianu Fastmail. Su co-autori de su progetu est Chris Newman, inginneri principali de Oracle[1]. Incumentzendi de su 2017 ddoi at unu grupu de traballu in sa Internet Engineering Task Force (IETF), chi s'incurat de sa standardisadura de is protocollus. Custa at publicau in su 2019 duas RFC cun is piessìnnus de su protocollu[5][6].
Piessìnnius tènnicus principalis
modìficaTecnologia de basi
modìficaJMAP est unu protocolliu chena stadu (stateless) fundau apitzus de su protocollu Web HTTPS e impreat JSON comenti formatu de scàmbiu de datus. S'impreu de HTTPS fait a manera chi sa parti manna de is firewall no blochint is connessionis a su serbidori, giai chi de sòlitu is gennas impreadas de custu servìtziu funt abertas.[7]
Seguràntzia
modìficaPerunu mecanismu de codìfica est agiuntu a sa comunicatzioni segura de HTTPS. Su problema principali de codificai i datus end-to-end est chi custu iat a fai dannu a s'eficèntzia, giai chi is circas e sa sincronizatzioni de datus partzialis iat a bessiri prus complicada. Sa seguràntzia de is datus est duncas delegada a su serbidori.[7]
Datus binàrius
modìficaIs datus binàrius ligaus a unu messàgiu (màginis e archìvius agiuntus) no funt imbiaus impari cun su messàggiu, giai chi custu sceberu est pagu eficenti. A s'imbressi, funt imbiaus a banda a traessu de HTTPS.[7]
Riferimentus
modìfica- ↑ 1.0 1.1 1.2 (EN) We’re making email more modern with JMAP, in Fastmail blog, 16 austu 2019. URL consultadu su 7 martzu 2021 (archiviadu dae s'url originale su 14 abrile 2021).
- ↑ (IT) Il protocollo IMAP per le email sarà sostituito con il JMAP? • Melamorsicata, in Melamorsicata, 30 nadale 2018. URL consultadu su 7 martzu 2021.
- ↑ (EN) JMAP Specifications, in jmap.io. URL consultadu su 7 martzu 2021.
- ↑ (EN) Key Differences Between POP3 and IMAP, in Mailtrap Blog, 27 maju 2020. URL consultadu su 7 martzu 2021.
- ↑ (EN) Neil Jenkins, Chris Newman, The JSON Meta Application Protocol (JMAP), in tools.ietf.org. URL consultadu su 7 martzu 2021.
- ↑ (EN) Neil Jenkins, Chris Newman, The JSON Meta Application Protocol (JMAP) for Mail, in tools.ietf.org. URL consultadu su 7 martzu 2021.
- ↑ 7.0 7.1 7.2 (EN) FAQs, in JSON Meta Application Protocol Specification (JMAP). URL consultadu su 7 martzu 2021.
Ligòngius esternus
modìfica- Giassu ofitziali de su progetu, in jmap.io.
- Programas chi suportant JMAP, in jmap.io.