Open main menu

Coordinatas: 36°42′N 6°07′W / 36.7°N 6.116667°W36.7; -6.116667

Flag of Sardinia, Italy.svg
Artìculu in LSC
Flag of Sardinia, Italy.svg

Seu de San Salvador, Jerez de la Frontera
Posidura de Jerez de la Frontera

Jerez de la Frontera [xe'ɾeð ðe la fɾon'teɾa], prus nodiu simpremente comente Jerez, est una tzitade de unos 212.000 bividores chi s'agatat in Ispagna, in sa comunidade autònoma de s'Andalusia, a intro de sa provìntzia de Cádiz, est posta duncas in su chirru prus meridionale de sa natzione, 12 km a tesu de s'oceanu e 85 km de s'Istretu de Gibilterra. Sa bidda est sa prus manna de sa provìntzia e sa de chimbe de totu s'Andalusia.

Sa posidura tzentrale e in collegamentu bonu cun su restu de sa provìntzia, nde faghet su logu printzipale de comunicatzione e unu de is tzentros logìsticos e de trasportu prus importantes de s'Andalusia otzidentale. Gràtzias a su nùmeru de bividores e a is possibilidades de crèschida, Jerez tenet dinamismu econòmicu majore in cumparantzia cun su cabulogu de sa provìntzia, Cádiz. Jerez est connota in su mundu pro su binu omònimu.

Su territòriu comunale de Jerez est de 1.188,23 km², e s'agatat in sa badde de su Guadalquivir. Cun istèrrida comunale de 1.188,23 km², Jerez tenet su segundu prus mannu de s'Andalusia a pustis de su Córdoba e su de sete de totu s'Ispagna. Fintzas a su 1995, in antis de s'ischirriadura de de San José del Valle fiat su prus mannu de s'Andalusia.


Est una de is biddas prus importantes de s'àrea metropolitana Baja de Cádiz-Jerez, àrea urbana de tres in Andalusia e una de is prus ativas economicamente e industrialmente.

Àteros progetosModìfica