Kabul

Artìculu in LSC

Kabul (in persianu: کابل, Kābul) est sa capitale e sa tzitade prus manna de s'Afganistàn, e fintzas sa capitale de sa provìntzia omònima.

Bista aèrea

Posidura (inditada in colore birde craru)

Est posta in sa badde istrinta de su riu Kabul, in terrinu montosu, in antis de arribare a su passu de Khyber. Kabul est colligada cun su Tagikistàn mediante una galleria suta sos montes de s'Hindu Kush.

Est unu tzentru econòmicu e culturale de importu mannu. Sa parte antiga de Kabul est prena de bazares postos durante gùturinos istrintos e tortuosos. Sos produtos printzipales sunt s'indùstria militare, s'indùstria tèssile, sa de su mòbile e s'agroalimentària. Sa situatzione de gherra contìnua dae su 1979 at limitadu sa produtividade econòmica de sa tzitade.

Kabul tenet un'universidade, fundada in su 1931, e diversas istitutziones educativas. Comente logos de interèssiu culturale, cheret ammentuadu su Museu de Kabul e su Museu Natzionale, sa tumba e sos giardinos de Babur, su mausoleu de Nadir Shah, su Minar-i-Istiklal (o Colunna de s'Indipendèntzia) fraigadu in su 1919 a pustis de sa de tres Gherras afganas, sa tumba de Timur Shah, e carchi moschea de importu.

Kabul est oe in die una de sas tzitades prus prenas de minas de su mundu e est in protzessu de torrada a fraigare.