La Gomera

Artìculu in LSC

La Gomera est un' ìsula posta in s'ala otzidentale de s'artzipèlagu ispagnolu de sas Ìsulas Canàrias. Sa tirada est de 352 km² (sa de ses ìsulas de s'artzipèlagu), sa populatzione est de unos 25.000 bividores. Sa capitale de s'ìsula est San Sebastián de La Gomera. Amministrativamente s'ìsula pertenent a sa provìntzia de Santa Cruz de Tenerife.

Bista dae su satèllite

Posidura in s'artzipèlagu

La Gomera, connota fintzas cun su nùmene de ìsula columbina essende istada s'ùrtima terra tocada dae Cristolu Columbu in su 1492 in antis de s'iscoberta de s'Amèrica, est de orìgine vulcànica ma a diferèntzia de sas unas àteras ìsulas de s'artzipèlagu non presentat vulcanos ativos. Sos ùrtimos episòdios erutivos andant torra a unos duos milliones de annos faghet e s'atzione erosiva de sos agentes atmosfèricos at delineadu su perfilu atuale de s'ìsula pintiniada de numerosos gorropos e tonneris in su mare. S'àrea naturale amparada de "Los Órganos" rapresentat un'esempru de colunna basàltica, formada dae una iscidradura lenta de sa lava de un'antigu cratere, erodida a tonneri in su mare.