Istados federados de Germània
Artìculu in LSC
Is istados federados de Germània (in limba tedesca: Länder, pronùntzia /ˈlɛndɐ/, a su singulare Land /lant/) costituint sa partzidura amministrativa de primu livellu de su Paisu e sunt in complessu 16.
![](http://upload.wikimedia.org/wikipedia/commons/thumb/6/69/Germany%2C_administrative_divisions_-_de_-_colored.svg/342px-Germany%2C_administrative_divisions_-_de_-_colored.svg.png)
Sunt designados ufitziosamente fintzas cun sa denumenatzione de Bundesländer (pr. /ˈbʊndɛsˌlɛndɐ/, sing. Bundesland /ˈbʊndɛsˌlant/); pro tres de issos (Baviera, Sassònia e Turìngia) su nùmene ufitziale est acumpangiadu dae s'agetivu Freistaat ("Istadu Lìberu"), sinònimu tedescu pro "Repùblica", mentras sas duas tzitades-istadu de Amburgu e Brema tenent a nùmene ufitziale respetivamente Freie und Hansestadt Hamburg e Freie Hansestadt Bremen.
Cada istadu est rapresentadu a livellu natzionale in su Bundesrat, su cussìgiu federale.