Limba lètone

Artìculu in LSC

Su lètone (in lètone: latviešu valoda) est una limba bàltica faeddada in Letònia in ue est limba uffitziale.

Ispainadura de su lètonu

Est limba mama de unos 1,16 milliones de lètones, chi benint a èssere su 56% de sa populatzione de s'istadu, ma sunt unos 2 milliones (s'80% de sa populatzione) is chi dda podent faeddare. Unos àteros 100.000 faeddadores bivent aterue.

Sa limba prus prossima a su lètone est su lituanu, solu àteru membru de matessi grupu linguìsticu. Is duas limbas sunt nointames limitatamente intelligìbiles s'una a s'àtera. Su latgallu e su curlandesu, mutualmente intelligìbiles cun su lètonu, podent èssere cunsiderados dialetos suos.

Is primas imprentas in limba lètonu torrant a su de 16 sèculos, cun una riprodutzione de sa Pregadoria a su Sennore in sa Cosmographia Universalis (1544) de Sebastian Münster, iscrita in caràteres latinos.