Articulu in logudoresu

Manlio Brigaglia (Tempiu, 12 de bennarzu de su 1929 - Tàtari, 10 de maju de su 2018) est istadu unu istorigu, accademigu e zornalista sardu.

Bida modìfica

Si at pigadu sa laurea in lìteras classicas in Casteddu, at fattu su dotzente pro prus de binti annos in su litzeu Azuni e dae su 1971, in s'universidade de Tàtari, at insinzadu "istoria de sos partidos e moimentos politigos", "istoria de sa Sardigna contemporanea" e "istoria contemporanea", dirizende su dipartimentu de istoria dae su 1983 a su 1985.

Si est interessadu subratottu de istoria sarda, de istoria de sos partidos politigos europeos, de fascismu e antifascismu, de istoria de s'informatzione, at traballadu in manera varia in sa deputatzione de istoria patria pro sa Sardigna, in sa Fondatzione Antonio Segni, in s'Istitutu sardu pro s'Istoria de sa Resistentzia e de s'Autonomia e in su Cunsortziu interuniversitariu de Casteddu e Tàtari pro s'iscola de ispetzializassione de sos mastros 'e iscola segundaria. At collidu in su 1997 su "Premiu de sa cultura" de sa Presidentzia de su Cunsizu 'e sos Ministros e, in su 2003, sa medallia 'e oro de "Benemerente de s'Iscola, Cultura e s'Arte - settore Universidade" dae su presidente italianu Ciampi.

Autore mannu de sagios, volumenes e libros, entziclopedias, artigulos in fozu 'e paperi sardos fintzas comente direttore. At cullaboradu puru in zornales comente "La Nuova Sardegna", in ue teniat unu cantigheddu totu sou pro faeddare cun sos legidores, e su "Corriere della Sera".