Mare Ruju

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Su Mare Ruju o Mare Arrùbiu (in àrabu: البحر الأحمر, al-Baḥr al-Aḥmar; ebràicu: ים סוף, Yam Suf; tigrino: ቀይሕ ባሕሪ, Qeyḥ baḥri) est unu mare de su Oriente Mèdiu cumprèndidu intre s'Àfrica a sud-ovest e sa penìsula àraba a nord-estu, chi comunicat a nord-ovest cun su mare Mediterràneu pro mèdiu de su canale de Suez, e cun s'Otzèanu Indianu a sud-estu peri s'istrintu de Bab el-Mandeb.

Mapa de su Mare Ruju

Su mare est denumenadu golfu Àrabu in sa majoria de is fontes europeas fintzas a su de 20 sèculos, nùmene derivadu dae sas antigas fontes gregas. Eròdotu, Istrabone e Clàudiu Ptolemeu numenaiant custu bratzu de mare Arabicus Sinus, mentras chi reservaiant su trèmene mare de Eritrea (o mare Ruju) pro sas abbas chi isciundiant su sud de sa penìsola de Aràbia, connotas in die de oe che golfu de Aden, in s'otzèanu Indianu.

Geografia

De forma allonghiada sighende sa diretora sud-est nord-ovest, su Mare Ruju si bifurcat a norte in logu de sa penìsula de su Sìnai, dende logu a su golfu de Aqaba a levante, e a su golfu de Suez a ponente. A sud peri s'istrintu de Bab el-Mandeb tenet essida a s'otzèanu Indianu. Is istados infùndidos dae su Mare Ruju sunt:

Oru de levante

• Israele
• Giordània
• Aràbia Saudita
• Jemen

Oru de ponente

• Egitu
• Sudàn
• Eritrea
• Gibuti