Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu



Maria Del Zompo (Casteddu, 21 de abrile 1951) est una meiga, dotzente universitària, diretora de su dipartimentu de Sièntzias Biomèdicas e, dae su 2015, retora de s'Universidade de Casteddu, prima fèmina elèghida a custa carriga in s'istoria de s'Ateneu[1].

Maria Del Zompo
Nàschida21 de abrile 1951
Casteddu
Natzionalidadesarda; italiana
TraballuMeiga, Chircadora, Dotzente universitària, Retora de s'Universidade de Casteddu
Contributos de importuDotzente universitària e Diretora de su Dipartimentu de Farmacologia Clinica Universitàriu, prima fèmina a cunsighire su tìtulu de Retore in s'Universidade de Casteddu

Biografia modìfica

Nàschida in Casteddu, Maria Del Zompo cunsighet sa maduresa clàssica in su 1969 e sa Làurea in Meighina e Chirurgia in su 1975 in s'Universidade de is Istùdios de Casteddu. Intre su 1976 e su 1979 traballat che assistente incarrigada in sa Clinica de Maladias Nervosas e Mentales Universitària e in su 1980 s'ispetzializat in neurologia.

Traballat comente borsista in su Biological Psychiatry Branch, NIMH, Bethesda, MD (USA) suta diretzione de su professore Robert M. Post fintzas a su 1982.

Torrada a Casteddu sighet comente chircadora in s'Universidade de Casteddu in s'Istitutu de Farmacologia fintzas a su 1986 e in su Dipartimentu de Neurosièntzias “B.B. Brodie” fintzas a su 1993, cando est nùmenada responsàbile de sa Setzione de Farmacologia Clinica de su Dipartimentu matessi, torradu a denumenare Dipartimentu de Sièntzias Biomèdicas. In s'intertantu est fintzas nùmenada professora assotziada de Farmacologia.

Dae su 1995 est responsàbile de su Tzentru de Psicofarmacologia Clìnica e de su Tzentru Tzefaleas Primitivas, de su Dipartimentu de Sièntzias Biomedicas Universitàriu. Dae su 1999 est Dotzente in su Dotoradu de Chirca in Neurosièntzias de s'Universidade de Casteddu.

A partire dae su 2000 est professora ordinària de Farmacologia pro sa Facultade de Meighina de Chirurgia de s'Universidade de Casteddu, Diretora de s'Unidade Complessa de Farmacologia Clìnica in AOU de Casteddu.

Dae su 2002 est Cumponente de su Tzentru de Etzellèntzia pro sa Chirca “Neurobiologia de is Tossicodipendèntzias”. Dae su matessi annu a su est annotamala diretora de s'Iscola de Ispetzializatzione in Farmacologia de sa Facultade de Meighina e Chirurgia, fintzas a su 2012 est responsàbile de su Servìtziu de Informatzione e Formatzione de su Fàrmacu.

Intre su 2007 e su 2011 est Diretora de su Dipartimentu de Neurosièntzias “B.B. Brodie”.

Dae su 2011 est assotziada a s’Istitutu de Neurosièntzias de su CNR relativamente a sa Commessa “Neurobiologia de is Dipendèntzias” e dae su 2012 est Diretora de su Dipartimentu de Sièntzias Biomèdicas.[2]

In su 20 de martzu de su 2015 arribat s'eletzione a Retora de s'Universidade de is Istùdios de Casteddu[3], pro chi at a abarrare in càrriga fintzas a su 2021.

Reconnoschimentos e incàrrigos[4] modìfica

  • Prèmiu “Fèmina de s’Annu”, istituidu dae sa Delegatzione Sardigna de s' “Assòtziu Imprenditoras e Fèminas Dirigentes de Azienda” (AIDDA), in su 2007.
  • Prèmiu “Elionora De Arbaree”, istituidu dae s’International Inner Wheel Club de Casteddu, in su 2000.
  • Prèmiu “Burroughs Wellcome Stipend Award”, Burroughs Wellcome Fund, Research Triangle Park, NC (USA) in su 1981.
  • Membru de sa Commissione Chirca e Isvilupu de s'Agentzia Italiana de su Fàrmacu (AIFA), dae su 2005.
  • Cumponente de s'Albu de is Espertos de su Comitadu de Indiritzu pro sa Valutatzione de sa Chirca (CIVR), dae su 2004.
  • Membru de sa Cummissione pro su Prontuàriu Terapèuticu Provintziale, dae su 2003.
  • Cumponente de su Tzentru de Etzellèntzia pro sa Neurobiologia de is Tossicudipendèntzias dae su 2002.

Notas modìfica

  1. Maria Del Zompo rettore a Cagliari, la prima donna Magnifico dopo 60 uomini [ligàmene interrùmpidu], in lanuovasardegna.it.
  2. Del Zompo Maria - Rettore Università di Cagliari, in crui.it. URL consultadu s'8 maju 2020 (archiviadu dae s'url originale su 10 austu 2020).
  3. Rettore, in unica.it.
  4. Maria Del Zompo, in people.unica.it.