Massama
Coordinadas: 39°56′35″N 8°36′12″E / 39.943056°N 8.603333°E
| Màssama | |
| Nùmene ufitziale: | Massama frazione di Oristano |
| Istadu: | Italia |
| Regione: | Sardigna |
| Provìntzia: | Aristanis (OR) |
| Ladiore: | 39°56'35" Nord |
| Longhiore: | 8°36'12" Est |
| Artiore: | 9 m. subra su mare |
| Tirada: | 6,41 km² |
| Populatzione: | 532 biv./km² |
| Comunes lacanantes: | Aristanis, Siamajori, Zeddiani |
| Còdighe postale: | 09170 |
| Prefissu telefònicu: | 0783 |
| Còdighe istat: | 095806 |
| Còdighe catastale: | F031 |
| Bividores: | Massamesus |
| Patronu: - Santu - Die |
Santa Maria Assunta 15 Austu |
Articulu in campidanesu
Màssama est una bidda de Sardigna in su Campidanu de susu, est una fratzioni de su comuni de Aristanis de 600 bividoris. Ddui funt tres cresias: sa cresia de Santa Maria Vergine Assunta, sa cresiedda o 'Oratorio delle Anime', chi parit siat de prima de s'annu 1000, e sa cresia de Santu Nicolau in ca ddui fut su campusantu beciu.
Giografia e territòriu
modìficaSa bidda s'agatat in sa Sardinna centru ocidentali in su Campidanu de susu, oru oru de innui arribàt s'unda de su frùmini Tirsu chi currit a duus chilòmitrus de is domus, s'altitudini est de 9 metrus asuba de su mari e de mari est a prus pagu de cincu km. Màssama tenit a nord su comunu de TZeddiani, Siamajori a nord-est, a sud-est sa frazioni de Sibì. A ovest Nuraxinieddu e Boàtiri. Su logu est totu paris cun pagus arturas, ddui funt pariga de arrius: 'Su barrocu', 'Su riu' e su canali riu nura craba tzerriau 'canali de cioadrixi' de is massamesus. Sa terra est bella e ddui funt ortus in su bennaxi chi est de sa bidda andendi faci a su frùmini e laori, bìngias, olivàrius e matas de fruta a s'artra parti.
Tenit clima mediterràneu cun istadis callentis e ierrus no meda fridus, ddui proit, po su prus, de su mesi de Santu Àinu at Maju. I mesis prus fridus funt Gennarxu e Friàrgiu, is prus callentis Treulas e Austu.
Stòria
modìficaMàssama arribat de su tempus de is Romanus e piga su nomi de una statio chi ddui fut in sa via Maxima sa strada antiga chi andada de Tharros a Forum Traiani (Fordongianus). Is primus òminis ddui funt arribaus de su tempus de sa preistòria. Is studiosus nant ca in 'montigu mannu' ddui fut unu 'insedianìment' eneolitico (prenuragicu) e apustis unu nuragicu cun d-unu nuraxi a turri sola chi est stètiu sciarrocau.
...de sighì a scriri
In sa noti intra su 8 e su 9 de friaxu de su 1917, apustis de diis e diis chi fut proendi, s'unda de su frumini Tirsu ndi aiat sciarrocau 34 domus e iat allagau giai totu is atras.
Màssama est stètia allobada a su Comuni de Aristanis comenti de fratzioni in su 1927.
Festas
modìfica- Santa Maria Assunta sa dii de mesaustu.
- Santa Vittoria s'urtima dominiga de Austu.
- San Nicola su 6 de su Mesi de Idas.
- Santa Mariedda (Vergine di Monserrato) su 27 de Aprili.
Ludoteca et Biblioteca
modìfica- In sa scola materna becia.
Bibliografia
modìfica- Francesco Floris - La grande enciclopedia della Sardegna - 2007.
- Vittorio Angius - Città e villagi della Sardegna dell'Ottocento - 2006.
Boxis curreladas
modìficaArtrus acapius
modìfica- Comune di Oristano
- Circoscrizione di Massama[ligàmene interrùmpidu]
- Parrocchia di Massama Archiviadu su 4 martzu 2016 in s'Internet Archive.
- Chiesa di San Nicola sul sito del FAI[ligàmene interrùmpidu]
- L'oratorio delle Anime sul sito Ufficiale della Regione Sardegna Archiviadu su 4 martzu 2016 in s'Internet Archive.