Museu de sa Tzeràmica de Nùgoro
Coordinadas: 40°19′22.31″N 9°20′07.78″E / 40.322864°N 9.335494°E
Limba Sarda Comuna. Abbàida sas àteras bariedades gràficas:
Su Museu de sa Tzeràmica, connotu fintzas comente Museu de sa Tzeràmica Sarda[1][2] est unu museu de Nùgoro.
| Museu de sa Tzeràmica de Nùgoro | |
|---|---|
 | |
| Logu | |
| Istadu |  Itàlia
|
| Localidade | Nùgoro |
| Indiritzu | Pratza Su Connottu n. 8 |
| Caraterìsticas | |
| Tipologia | Arte tzeràmica |
| Colletziones | Tzeràmicas |
| Istitutzione | 20 trìulas 2023 |
| Abertura | 20 de trìulas de su 2023 |
| Gestione | Istitutu superiore regionale etnogràficu |
Istòria
modìficaIdeadu giai dae su 2001 dae su Comunu de Nùgoro, su fràigu de su museu est a pustis coladu suta de sa gestione de s'ISRE, chi b'at traballadu semper paris cun su Comunu, chi at frunidu sa Domo Chironi comporada in su 2002[3][4], e cun sa domo editora Ilisso, mere de sa parte manna de sa colletzione de tzeràmicas chi s'istrutura noa depiat acollire.[5]
S'architetu Antonello Cuccu at progetadu s'espositzione, chi sa gente at pòdidu abbistare pro sa prima borta durante s'inauguratzione de su museu, su 20 de trìulas de su 2023.[1][6][7]
S'espositzione
modìficaSu museu tenet tres pianos, in ue si podent bìdere prus de 350 òperas[8], cun medas de artistas mannos sardos de su noighentos, che a Frantziscu Ciusa, Salvatore Fancello, Federico Melis, Edina Altara, Antine Nivola, sos frades Melis, Pinuccio Sciola, Emilia Palomba, Angelo Sciannella, Gavino Tilocca e àteros[4][3][7][9], ma fintzas unas cantas de àteros logos de s'Europa.[6]
Totu sos ogetos mustrados contant de sa traditzione de sa tzeràmica sarda, ma fintzas s'istòria de sa s'Ìsula e, cun sos trastes de cada die che a prateris o brocas, sa vida de sa gente.[3]
Riferimentos
modìfica- ↑ 1.0 1.1 Su museu de sa tzeràmica sarda in Nùgoro, in Limba Sarda 2.0, 18 trìulas 2023. URL consultadu su 6 austu 2023.
- ↑ (IT) A Nuoro nasce il Museo della Ceramica sarda: oltre 350 pezzi dei maestri dal primo Novecento, in La Nuova Sardegna, 18 trìulas 2023. URL consultadu su 6 austu 2023.
- ↑ 3.0 3.1 3.2 (IT) Il nuovo Museo della Ceramica di Nuoro, in artribune.com, 22 trìulas 2023. URL consultadu su 6 austu 2023.
- ↑ 4.0 4.1 (IT) Nuoro, l’Isre ha vinto la scommessa: il museo della Ceramica è ora realtà, in La Nuova Sardegna, 21 trìulas 2023. URL consultadu su 6 austu 2023.
- ↑ (IT) «Il museo della ceramica si farà», in La Nuova Sardegna, 4 trìulas 2018. URL consultadu su 6 austu 2023.
- ↑ 6.0 6.1 (IT) Francesco Pirisi, A Nuoro nasce il Museo della Ceramica con 300 opere di artisti sardi e nazionali, in Cronache Nuoresi, 17 trìulas 2023. URL consultadu su 6 austu 2023.
- ↑ 7.0 7.1 (IT) L'Isre apre a Nuoro il museo della ceramica, in Agenzia ANSA, 17 trìulas 2023. URL consultadu su 6 austu 2023.
- ↑ (IT) A Nuoro nasce il Museo della Ceramica sarda: oltre 350 pezzi dei maestri dal primo Novecento, in La Nuova Sardegna, 18 trìulas 2023. URL consultadu su 6 austu 2023.
- ↑ (IT) Museo Regionale della Ceramica Sarda, in www.museionline.info. URL consultadu su 6 austu 2023.