Natziones Celticas

Articulu in nugoresu

Sas nassiònes tzèlticas sun trèttos in s'Europa de su Nord e de Ponente in ube si at mantèsu limba e / o tradissiones chi bènin dae sa curtura tzeltica.

Sas ses nassiones tzelticas, gai comente las reconnòschet sa Lìga Tzeltica:      Irlanda      Iscotzia      ìsula de Man      Galles      Cornuvàllia      Bretagna

Sos ses zàssos chi sun reconnòttos comente "nassiones tzelticas" sun sa Bretàgna (Breizh), Cornuvàglia (Kernow), Irlanda (Éire), s'ìsula de Man (Mannin), s'Iscòtzia (Alba), e su Gàlles (Cymru): cadaùnu tènet una limba tzèltica chi si sìchit a faveddàre o si chistionàbat fìntzas a pacu tempus fàchet. Pèri calicùna terra ibèrica de su Nord-Ovest, mascamènte sa Galìtzia, su Portugallu de su Nord e sas Asturias - nàdas pùru Gallaecia, chi cumprèndet fìntzas su Portugallu tzentrale - est tènta in cussìderu pro mòre de sa curtura e istòria issòro; cuffòrma sos atteros trettos, peròe, in cùghe su tzèlticu ch'est iscumpàrtu dae tempus meda. Innàntis de sas populassiones germanicas e de sos tempos chi sa Roma antica aìat cumintzàu a si mògher contr'a sas atteras terras pro sìche las ingurtìre, una parte manna de s'Europa fit tzèltica.