Negatzionismu
Limba Sarda Comuna. Abbàida sas àteras bariedades gràficas:
Su negatzionismu o revisionismu istòricu cunsistis in su denegare fatos istòricos - mancari s'agatent proas in farta reportadas dae sos istòricos - cun punnas ratzistas o polìticas.
Su trèmene fiat criadu in su 1987 dae s'istòricu Henry Rousso pro desinniare sa cuntestatzione de sa realidade de su genotzìdiu postu in atu contra de sos ebreos dae sa Germània nazista durante da Segunda Gherra Mundiale, overas sa Shoah. Su negatzionismu in custu casu pretendet prusaprestu chi siat s'intentzione de ispèrdere is giudeos, siat is medidas e istermìniu (pro esempru is nodidas càmbaras a gasu) non siant esìstidas mai. A sighidu de custu, su negatzionismu desìnniat sa cuntestatzione o sa minimizatzione de crìmenes contra de s'umanidade dae su tribunale de Nürnberg.
Pro isterrimentu sa cuntestatzione o minimizatzione de àteros fatos istòricos chi si podet calificare che a crìmenes contra de s'umanidade, tales che a su genotzìdiu armenu a banda de su guvernu de is Giòvanos-Turcos de s'Impèriu Otomanu durante sa Prima Gherra Mundiale, de s'Holodomor ucrainu a banda de s'Unione Soviètica, de is Gulag e de is crìmenes comunistas, de s'istragu de Nanchinu a banda de s'armada imperiale giaponesa, de su genotzìdiu de is Tutsis in Ruanda, is crìmenes de su regìmene Khmer in Cambògia, o fintzas is laogais de Cina.
Cun totu ca s'amprària de sos episòdios in is mìrios de is negatzionistas siat ladu meda, si podent intretzare trassas comunas in is negatziones issoro respetivas,[1] e in s'impreu de mètodos ipercrìticos de anàlisi de is mitzas e de is testimonias,[2] gasi comente is sofismos a sighire:[3]
- is minudas non sunt craras o si contradighent, duncas totu s'ispricatzione est frassa, duncas is proas propostas pro custa espricatzione sunt de fatu refudos sofìsticos;
- s'ausèntzia de proas balet che a proa de s'ausèntzia de is fatos avocados.
Is negatzionistas si cuant fatu·fatu a palas de su « revisionismu istòricu », unu acostamentu adotadu dae is istòricos (a berus), chi cunsistit a torrare a pònnere legitimamente unos cantos fatos in intro de is cuntestos issoro « visitende·ddos torra », a s'ispissu deghes de annos medas a pustis de sos acontessimentos. Su trèmene « revisionista » abarrat in paris tempus polèmicu e prus in generale est usadu che a sinònimu de negatzionismu.[4]
Riferimentos modìfica
- ↑ Richard G. Hovannisian, L'hydre à quatre têtes du négationnisme, in imprescriptible.fr.
- ↑ François Bédarida, Histoire, critique et responsabilité.
- ↑ Barbara Lefebvre, Sophie Ferhadjian, Comprendre les génocides du 20e siècle : comparer-enseigner.
- ↑ Enzo Traverso, Le passé, modes d'emploi, in books.google.be.