Neon Genesis Evangelion

Articulu in nugoresu

Neon Genesis Evangelion (新世紀エヴァンゲリオン Shin seiki Evangerion?, "Su vanzelu de su seculu novu"), nòdiu fintzas comente Evangelion, Eva o NGE, est un'anime de 26 episodios chi s'Istudiu Gainax at fattu in su 1995, direttu dae Hideaki Anno. Est unu de sos sutzessos prus mannos, siat de prubicu siat de critica, chi s'animassione giapponesa podat ammentare, e s'introspessione psicologica de sos protagonistas, paris chin sos riferimentos religiosos (mascamente cabalisticos, ebraicos e biblicos) lu carateritzan. Puru unu manga b'an fattu.

Sa sigla

	« Chenza connòscher a sos ateros, non si bi podet nen tràicher nen facher male. Peroe, non si podet nemmancu irmenticare sa soledade. S'essere umanu non s'at a illiberare mai dae sa soledade. De s'ateru, cada omine est a sa sola. E petzi ca est possibile a lu irmenticare chi s'omine resessit a vivere. »
	(Kaworu Nagisa a Shinji Ikari)

S'istoria contat de una Tokyo futuristica a distantzia de bindichi annos dae unu disacatu mundiale e trattat de Shinji Ikari, unu pitzoccu chi s'organizassione paramilitare Nerv at arruolau pro ghiare unu enorme mecha de lùmen Evangelion e gherrare de custa manera sos inimicos de tottu s'umanidade, mutìos Anzelos. In su mentras s'an a connoscher fintzas sos ateros ghiadores e pilotas de Evangelion e su pessonale de Nerv.

Sos urtimos duos episodios an pesau unu muntone de ispantu (in positivu) e de criticas (in negativu), tantu de custringher s'autore a facher essire un'atera versione de su finale chi collit su tempus de sas duas puntadas: The End of Evangelion.