Nuraghe Riu Mulinu
Coordinadas: 40°57′20″N 9°31′15″E / 40.955556°N 9.520833°E
Limba Sarda Comuna. Abbàida sas àteras bariedades gràficas:
Su nuraghe Riu Mulinu, chi s'agatat in su comune de Terranoa, a 250 metros supra su monte Colbu (Cabu Abbas), est unu nuraghe intre sos prus mannos e de importu prus mannu de su nord de sa Sardigna.[1]
Fatu in granitu, tenet petzi una turre de oto metros de diàmetru chi però est inghiriada dae una muralla manna de pagu prus o mangu chimbe metros de artària e largària, cun duas intradas a nord e a sud.
A intro de su nuraghe si podet bìdere una passadissu cun una nitza minoredda e un'iscala, chi batiat a su pranu de susu, e chi como no est prus agìbile. Suta de custa iscala b'at unu vanu chi batit a una fossa sacrificale, in ue sos iscavos de su 1936 ant agatadu frammentos de ossos brusiados, repertos tzeràmicos e unu brunzetu chi rafigurat una fèmina cun un'ànfora subra de sa conca. Pro more de custu brunzetu sos archeòlogos ant ligadu su logu a su cultu de s'abba, e l'ant datadu a su de XIV-XIII sèculos a.C.
Riferimentos modìfica
- ↑ (IT) Riu Mulinu, in www.sardegnaturismo.it, 7 abrile 2017. URL consultadu su 15 cabudanni 2023.