Patu de Varsavia

Artìculu in LSC

Su Patu de Warszawa est istada una alleàntzia militare chi pertocaiat sos istados de ròdia soviètica, firmadu a cuntrapostu cun s'Alleàntzia Atlàntica (prus nodia comente NATO).

Inditados in ruju is mermos de su Patu de Warszawa

Sos mermos promitiant de si difèndere parebare in casu de gherra.

Elaboradu de su chi diat diventare pois presidente de s'Unione Soviètica Nikita Chruščëv, est istadu de issu etotu aprovadu su 14 de Maju 1955 in Warszawa.

Est dàbile chi non siat unu casu chi sa data de sa costitutzione èsseret una chida a pustis de s'intrada in sa NATO de sa Germània Ovest.

Su patu est istadu iscontzadu su 31 martzu 1991.

Nde fiant mermos:

• Albania (bessida formalmente in su 1968, ma istesiada giai de su 1961)
• Bulgaria
• Polonia
• Repùblica Democràtica Tedesca (de su 1956)
• Romania
• Tzecoslovachia
• Ungheria
• Unione Sovietica

In su Patu s'Unione Soviètica fiat s'istadu chi in sos fatos ghiaiat sas detzisiones.

Is istados chi chircaiant de ddu lassare o de si nche istesiare fiant custrintos fintzas cun mèdios militares a bi torrare, comente s'Ungheria cun sa rivolutzione de su 1956 o Tzecoslovachia cun cussa de su 1968.

Isceti s'Albania resissiat a dd'abandonare in su 1968, pro ite contrària a s'invasione de sa Tzecoslovachia, cun totu chi cundannaret sa polìtica de riformas chi s'istadu fiat chirchede de atuare. Cun sa bessida de su patu, s'Albania si fiat noantamas acostada a sa Tzina.

Est de su nadale 1988 su bandu de su presidente sovièticu Michail Gorbačëv, chi decraraiat chi s'Unione Soviètica non diat intervenire chi calincuna natzione cheriat bessire de su Patu. Cun custa cuntzessione de libertade, in pagos annos s'est imbàtidos a s'arruta de su communismu.

Su 1 de trìulas 1991 in Praga est istadu firmadu su documentu uffitziale de iscontzu de su Patu de Warszawa.