Penìsula italiana

Coordinadas: 42°N 14°E / 42°N 14°E42; 14


Artìculu in LSC

Sa penìsula italiana, fintzas penìsula apennina, est una de sas tres mannas penìsulas chi cumponent s'Europa meridionale e sa prus minore a fatu de sa balcànica e de s'ibèrica.

Penìsula italiana cun partzidura segundu sa definitzione
Penìsula italiana segundu bisura prus istèrrida

Posta in su tzentru de su Mediterràneu, intre mare Tirrenu (a s'uestu), mare Adriàticu (a s'estu) e mare Jòniu (a su sud), atremenada in su norti de sa cadena montosa de sas Alpes. S'istrintu de Messina dda ischìrriat de sa Sitzìlia dae chi est istesiada de unos 3 km.

Sas làcanas setentrionales prus pròpias chi dda distinghent sunt dadas de una lìnia imaginària chi aunit sos frùmenes Magra e Marecchia[1][2], escluende duncas totu s'àrea de sa campura padana e a pees de sa regione alpina. Sas ìsulas mannas de Sitzìlia, Sardigna e Còssiga non sunt cunsideradas partes de sa penìsula.

Su territòriu suo est atualmente amministradu casi intregamente de sa Repùblica italiana, foras pro su chi pertocat sos micro-istados de Tzitade de su Vaticanu e Repùblica de Santu Marinu.

Est pretzisu iscerare sa definitzione de penìsula italiana dae sa de regione italiana.

Istados de sa penìsula italiana modìfica

Nùmene Populatzione Istèrrida (km²) Capitale Limba/s uffitziales
  Itàlia 58 063 511[3] 131 275 Roma italianu
  Repùblica de Santu Marinu 31 887 61,2   Tzitade de Santu Marinu italianu
  Tzitade de su Vaticanu 829 0,44   Tzitade de su Vaticanu italianu, latinu
Totale 58 071 000 131 337

Notas modìfica

  1. De Agostini Ed., L'Enciclopedia Geografica - Vol. I - Italia, 2004, p.78
  2. Touring Club Italiano, Conosci l’Italia - Vol. I: L’Italia fisica, 1957
  3. su càrculu non distinghet intre populatzione residente de sa repùblica chi bivet intro o foras dae su territòriu peninsulare

Artìculos ligados modìfica