Pena de morte

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Sa pena de morte fintzas narada pena capitale est una santzione penale sa cale esecutzione cunsistet in sa ochidura a su cundennadu.

Illustratzione de unu boginu esecutende sa cundenna a morte cun sa roda

Isparghidura de sa pena de morte in su mundu. In colore ruju sos istados in ue est galu aplicada, in colore de aràngiu sos istados in ue est in vigore però no est istada aplicada in is ùrtimos deghe annos, in birde craru sos istados in ue est istada abolida francos casos etzetzionales (comente crìmenes de gherra), in birde iscuru sos istados in ue est istada abolida de su totu.

In unos cantos ordinamentos giurìdicos est prevìdida pro is solas culpas prus graes comente a s'omitzìdiu e s'arta traitoria; in unos àteros s'àplicat fintzas a unos àteros crìmenes violentos, comente a s'irrobatòriu o sa violadura, o ligados a su tràficu de drogas; in unos cantos istados infines est prevìdida pro reatos de opinione comente a s'apostasia o pro orientamentos e cumportamentos sessuales comente a s'omosessualidade o s'intzestu.

Sa pena de morte est istada abolida o no est aplicada in sa majoria de sos istados de su mundu, mentras est galu in vigore in unos àteros comente pro esempru Tzina, Bielorùssia, Ìndia, su Giapone, sa Corea de su Norte, s'Iràn e sos Istados Unidos de Amèrica.