Pitzente Mura

Custu artìculu est iscritu in sa grafia logudoresa. Abbàida sas àteras bariedades gràficas:

campidanesu · LSC · nugoresu

Pitzente Mura (Patada, 1935) est un'iscritore, poeta e ziornalista sardu.

Pitzente Mura
Àteros nùmenes	Vincenzo Mura
Nàschida	1935 Patada
Natzionalidade	sarda
Tzitadinàntzia	italiana
Traballu	iscritore, poeta e giornalista
Prèmios	Prèmiu literàriu “òpera prima” N. Machiavelli Prèmiu de literadura sarda “Casteddu de sa fae” Primu prèmiu in su cuncursu de poesia "Romàngia" Primu prèmiu in su cuncursu de poesia "Seunis" de Tiesi (2009) Prèmiu de Poesia Sarda de Tàtari (2011)

Biografia

Sende zòvanu meda, a s'agabu de sos annos chimbanta de su sègulu coladu, s'est istrenadu in su domìniu de sa narrativa cun contos, noellas e servìtzios de literadura e custùmene in “La Nuova Sardegna”, chi nde fiat istadu pro unos cantos annos currespondidore e cullaboradore de sa de Tres Pàzinas.

At iscritu finas pro àteros ziornales, no petzi sardos, e est istadu currespondidore de su Gazzettino Sardo (RAI). Pro annos meda, at leadu parte a sa polìtiga ativa in calidade de amministradore comunale e provintziale cun diferentes incàrrigos de assessoria. Est fontomadu in s'Entzicropedia Manna de sa Sardinna. In dies de oe nch'istat in Tàtari.

At pubricadu sos romanzos: “Il ballo del sole”, editadu dae sa Biblioteca Internazionale, Frorèntzia 1967, binchidore de su prèmiu literàriu “òpera prima” N. Machiavelli; La stagione delle mantidi, editadu dae Castello, Casteddu 1996; La rivolta dei gigantiniani, editadu dae Castello, Casteddu 1999; Su Deus Iscultzu, editadu dae Condaghes, Casteddu 2002, binchidore de su Prèmiu de literadura sarda “Casteddu de sa fae”, Edissione 2002. Mancari apat partetzipadu medas raras bias e petzi in custos ùrtimos annos a sas porfias poètigas bariadas de sa Sardinna, at logradu galardones de importu in diferentes cuncursos, intre sos cales su primu prèmiu in su Romàngia, in su Seunis de Tiesi de 2009 e in su prèmiu de Poesia Sarda de sa de 2 e 3 Cumpartziduras de Tàtari in su 2011.

Òperas

Romanzos

• (IT) Vincenzo Mura, Il ballo del sole, Firentze, Biblioteca Internazionale, 1967, SBN IT\ICCU\URB\0403926.
• (IT) Vincenzo Mura, La stagione delle mantidi, Casteddu, Castello, 1996, SBN IT\ICCU\CAG\0027731.
• (IT) Vincenzo Mura, La rivolta dei gigantinani, Casteddu, Castello, 1999, SBN IT\ICCU\CAG\0068862.
• Pitzente Mura, Su deus isculzu, Casteddu, Condaghes, 2002, ISBN 978-88-7356-016-6, OCLC 879901046, SBN IT\ICCU\CFI\0546765.

Regortas de poesias

• (SC, IT) Vincenzo Mura, Dies e fozas: poesie in lingua sarda con traduzione a fronte in italiano, prefatzione de Salvatore Patatu, Tàtari, EdES, 2017, ISBN 978-88-6025-423-8, OCLC 1045966229, SBN IT\ICCU\CAG\2073206.
• (SC, IT) Vincenzo Mura, Poesias sèberas : poesie in sardo logudorese con traduzione a fronte in italiano, prefatzione de Giovanni Fiori, Tàtari, EdES, 2010, ISBN 978-88-6025-166-4, OCLC 955212192, SBN IT\ICCU\CAG\1798195.