Popai
Limba Sarda Comuna. Abbàida sas àteras bariedades gràficas:
Popai (Popeye) est unu personàgiu immaginàriu istadunidensu creadu dae Elzie Crisler Segar[1], chi aparit in fumetos periòdicos e in cartones animados tzinematogràficos e televisivos.[2] Su personàgiu at fatu s'esordidu suo su 17 de ghennàrgiu 1929 me is fumetos Thimble Theatre, chi a pustis ant cambiadu nòmine in Popeye.[3][2][4]
Est unu de is prus personàgios famados de fumetu de semper[5][6]. Est essidu chitzo populare meda, difatis in su 1933 dd'ant dedicadu una sèrie de film animados tzinematogràficos curtzos realizados dae is Fleischer Studios[5], intitulada Popeye the Sailor, essida luegus pobulare meda[2], a su puntu chi sa fama sua est oe in die prus ligada a cussa.
In su cursu de is annos su personàgiu est apartu fintzas in libros a fumetu, cartones animados televisivos, in video-giogos, publitzidades e merchandising; in su 1980 su regista Robert Altman nd'at fatu unu film[4]; in su 2002 TV Guide at classificadu su personàgiu a su de 20 logos in sa lista sua de is 50 personàgios majores de totu is tempus[7], mentras LiveAbout dd'at classificadu in su de 8 logos[8]. In su 1995 est istada una de is binti sèries a fumentu inclùdidas me in sa sèrie de francubullos de ammentu istadunidensa Comic Strip Classics.[9][10][11]
Piessìnnios de su personàgiu
modìficaPopai est unu marineri, liuscu de un'ogru, cun una pipa semper in buca; tenet unu corpus musculosu cun bratzos grussos e ancas curtzas cun su tatyuàgiu de un'àncora. Amoradu cun Olivia Oyl, su personàgiu, rude e agrestosu, est un'eroe chi sucurret fèminas in perìgulu e bivet aventuras istraordinàrias in giru pro su mundu. Ammànniat sa fortza sua, giai ispantosa, papende ispinàtzios.[4]
Importu in sa cultura
modìficaSende chi Popai est unu personàgiu forte meda e chi si creiat chi s'ispinàtziu esseret un'alimentu ricu meda de ferru, s'assòtziu de s'ispinàtziu cun sa fortza de su personàgiu est istètida impreada pro sa publitzidade .[12] Po s'agiudu chi su personàgiu at donadu a s'economia issoro, is massajos de una localidade de su Texas, Crystal City, dd'ant istantargiadu un'istàtua pro ddi torrare gràtzias.[4][13][14]
Editziones sardas
modìficaS'assòtziu Tramudadas de Pabillonis at aparitzadu unos cantos cartones cun boghes in lìngua sarda, publichende·ddos in s'incumentzu in su Web[15]. In su 2021 Telesardegna at trasmìtidu is òperas in su programma Popai su marineri, presentadu dae Antoni Ignàtziu Garau, a incuru de NOR Edizioni[16].
Riferimentos
modìfica- ↑ Segar, Elzie (Crisler) – Encyclopædia Britannica Article. Britannica.com. Retrieved on March 29, 2013.
- ↑ 2.0 2.1 2.2 Braccio di Ferro e gli spinaci, in guidafumettoitaliano.com. URL consultadu su 22 maggio 2017.
- ↑ Cfr. in Andrea Tosti, Braccio di Ferro, da comparsa a tre volte protagonista, su "Fumettologica" del 4 novembre 2013.
- ↑ 4.0 4.1 4.2 4.3 FFF - Popeye (Braccio di ferro), in lfb.it. URL consultadu su 22 maggio 2017.
- ↑ 5.0 5.1 Braccio di Ferro - L'irresistibile fumetto Popeye di Segar, in slumberland.it. URL consultadu su 23 maggio 2017.
- ↑ BRACCIO DI FERRO, in guidafumettoitaliano.com. URL consultadu su 22 maggio 2017.
- ↑ TV Guide Book of Lists, Running Press, 2007, p. 158, ISBN 0-7624-3007-9.
- ↑ The Top 50 Cartoon Characters of All Time, in liveabout.com. URL consultadu su 22 febbraio 2021.
- ↑ Comic Strip Classics (GIF), in fumetti.org.
- ↑ Cronaca Filatelica, n. 213, dicembre 1995.
- ↑ http://www.afnews.info/fumetti.org/gif/Usastamp.gif Comic Strip Classics
- ↑ Cartoni Online - Braccio di Ferro, in cartonionline.com.
- ↑ Leggendo qua e là..., «La Settimana Enigmistica», 2007, 3925, ISSN 1125-5226
- ↑ Crystal City Texas Spinach Capital of the World Home of the Popeye Statue, in texasescapes.com. URL consultadu su 18 marzo 2009.
- ↑ Gabriele. tanda, Tramudadas: sa fortza de Popai in sardu, in Limba Sarda 2.0, 10 abrile 2020. URL consultadu su 26 santandria 2021.
- ↑ (SC, IT) "Popai su marineri" su Telesardegna, in NOR Edizioni. URL consultadu su 26 santandria 2021.
