Pretòria
Limba Sarda Comuna. Abbàida sas àteras bariedades gràficas:
Coordinadas: 25°44′47″S 28°11′17″E / 25.746389°S 28.188056°E
Pretòria est sa capitale amministrativa de Sudàfrica, mentras Tzitade de su Cabu est sa capitale legislativa e Bloemfontein sa giuditziària.
Su primu aposentamentu urbanu in sa zona fiat istadu fundadu dae Marthinus Wessel Pretorius (a chie si depet su nùmene de "Pretòria") in su 1855. De su 1860 a su 1902 fiat capitale de s'istadu boeru indipendente de su Transvaal. Su tratadu chi aiat postu fine a sa Gherra anglo-boera (su Tratadu de Vereeniging de su 1902) fiat firmadu in Pretòria.
In su 1910, a sa nàschida de s'Unione Sudafricana, Pretòria fiat istada isseberada che a capitale amministrativa, mantenende su matessi rolu fintzas a pustis de s'istitutzione de sa Repùblica de Sudàfrica (1961).
Sa tzitade est posta 48 km a norte est de Johannesburg a artària de 1343 m s.l.m. Tenet unu clima temperadu e sa nie est un'eventu raru a berus, chi s'avèrguat una o duas bortas pro sèculu. Est una de sas capitales cun prus sole in su mundu: retzit in prus de 3300 oras de sole a s'annu (prus de 9 oras a sa die in mèdia).
Àteros progetos
modìfica| Wikimedia Commons tenet files chi ligant a: Pretòria |