Puttu sacru nuraghesu
Articulu in nugoresu
Su puttu sacru nuraghesu est un'istruttura a tempiu ipogeicu chi serbìat, in s'edade de Brunzu, pro addiosare sas Abbas in Sardigna. Si nde atzàpan parìtzos in s'isula sarda e, impàre a sas tumbas de sos zigantes e a sos tempieddos a megaron, sun a testimonia de s'ispiritu relizosu de sos sardos anticos in edade nuraghesa; custos monumentos, chi sun tra sos prus elegantes péri tottu s'isula, sun un'esempiu craru de s'abilesa architettonica issòro e sun fìntzas de importu pro accraràre cantu si tenìan in cunsideru sos cantaros de abba.
![](http://upload.wikimedia.org/wikipedia/commons/thumb/c/c1/Pozzo_di_San_Cristina.jpg/100px-Pozzo_di_San_Cristina.jpg)
In su mundu bi at atteros esempios de puttos sacros, comente cussu de Gârlo in Bulgaria.