Articulu in nugoresu

Radical chic est un'espressione idiomatica, chi benit dae s'inglesu, pro inditare sos de s'arta burghesìa o de sa classe mediàna chi, tantu pro sichìre una moda o pro interèssu pessonale o ipocrisìa, tenen ideas de estrema manca chi b'andan contr'a sa classe de appartenèntzia issoro. A s'ispissu b'at unu tzertu sentìdu de menisprèssiu pro su dinàre, fràncu poi vìver una vida chin attividades de balànzu chi issos etottu, cara a sos atteros, dìan definire de custa manera. In prus, non bènit a mancare su menisprèssiu tipicamente aristocraticu e elitìsta pro s'ignoràntzia de "sos atteros", ca si presentan chind unu tzertu presùmu de superioridàde, mascamènte curturale: custu ca sos de s'ala "radical chic" in realtade istròchen male, chène lu ischìre, cumportamèntos de sos artistas bohémien chi, vortàos a banalidade, oje comùnican un'idèa snobìstica.