Schermu de elaboradori

Custu artìculu est iscritu in sa grafia Provintzia de Casteddu-Istemma.pngcampidanesaProvintzia de Casteddu-Istemma.png. Abbàida sas àteras bariedades gràficas:

logudoresu · LSC · nugoresu

Su schermu de elaboradori (connotu fintzas cumenti visori[1] o monitor) est un'aparatu eletrònicu po sa visualizzazioni de màginis, testu e vìdeu trasmìtius in forma eletrònica.[2]

Unu schermu po elaboradori a cristallos lìcuidos (LCD).

PiessìnniusModìfica

 
Schermu de unu strumentu de mesura.
 
Unu schermu bèciu po computadori cun schermu a tubu catòdicu.

In informàtica su schermu acapiau a un'elaboradori est cunsiderau una perifèrica de bessida, ma candu est a disponimentu sa funtzioni de schermu a tocu essit fintzas una perifèrica de intrada, poita ca acumprit sa funtzioni de teclau e sorixeddu.[3] Podit essi acapiau a su computadori po mèdiu de unus cantu tipus de genna. Is prus comunas funt sa VGA, DVI, HDMI e DisplayPort. Podit tenni de altoparlantis po sa riprodutzioni de s'àudio o àterus tipus de acàpius e perifèricas, po esempru sa genna USB o una webcam cun micròfonu.

Visualizadori (display)Modìfica

Su cumponenti prus de importu de unu schermu (a bortas s'ùnicu) est su visualizadori, est a nai s'aparatu eletrònicu po sa visualizatzioni innui funt ingendradas is màginis.[4] Segundu sa tecnologia impreada esistint tipus diferentis de visualizadori, comenti su tubu catòdicu, difùndiu meda in passau.

Tipologia e impreuModìfica

Esistint tipus de schermu diferentis, impreaus fintzas in cuntestus no informàticus, cun funtzionis e piessìnnius diferentes. Po esempru esistint schermus impreaus in is bancus de regia de is centrus de produtzioni e spraxidura TV chi funt de sòlitu prus russatzus e fàcilis de tramudai, o schermus po aparatus de meixina, cun visualizadori siat a coloris siat monocromàticu e impreu de su standard DICOM.[4]

In prus, ddoi at schermus dedicaus po aparatus de genias meda, de is prus piticus po sa visualizatzioni e controllu de is aparatus scentìficus comenti sistemas analìticus fìsicus e chìmicus, sistemas robotizaus, de controllu a tempus reali de aparatus industrialis, finas a is schermus dedicaus a sistemas multimedialis e insertaus in produtus de consumu mannu che: console po videogiogus portàtilis, navigadoris satellitaris e, in generali, in totu is aparatus chi arrechedint una bessida a vìdeu.

Ddoi at puru schermus a tocu, innui s'impreadori podit cumandai s'aparatu tochendi su schermu cun is didus. Cun is schermus prus modernus, unu tocu cun pressioni diferenti o movimentus specialis de is didus podint tenni funtzionis diferentis.

NotasModìfica

  1. Sarvadore Serra, Sèberos informàticos, in Limba Sarda 2.0, 24 cabudanni 2021. URL consultadu su 26 cabudanni 2021.
  2. monitor, in garzantilinguistica.it. URL consultadu su 18 luglio 2017 (archiviadu dae s'url originale su 18 santugaine 2020).
  3. What is a Monitor?, in computerhope.com, 27 giugno 2017. URL consultadu su 18 luglio 2017.
  4. 4.0 4.1 display, in treccani.it. URL consultadu su 18 luglio 2017.