Iscurigadorzu

S'iscurigadorzu est su mamentu in ue un'astru iscumparet a suta de s'orizonte.

Caraterìstigas

Dae su puntu de bista astrintamente astronòmigu, su puntu in s'orizonte peri ue, a s'iscurigada, trànsitat su tzentru de su discu solare, currespondet esatamente a sa deretura de s'uestu petzi in sas datas de sos echinòssios: pro isempru, in s'emisfèriu boreale, isse s'iscòstiat respetivamente a nordu-uestu in sos meses beraniales e istiales (sizende su puntu prus a nordu in su sostìssiu de istiu) e a suddu-uestu in sos meses atonzales e ierrales (in manera anàloga, sizende su puntu prus a su suddu in su sostìssiu de ierru). Sa zona in s'orizonte cumprèndida intre su puntu prus a su nordu e su puntu prus a su suddu est narada “zona ocasa”.

A s'iscurigada o a chentales, est possìbile a bias a pompiare unu raju birde.

S'iscurigadorzu in àteros pranetas

S'iscurigadorzu esistit finas in sos àteros pranetas, peroe est diferente pro more de sa distàntzia dae su sole a su praneta e dae sa cumponidura atmosfèriga.

In Marte, dadu chi su praneta est prus a tesu dae su Solechi sa terra, su sole cumparet petzi in una mannària de 2/3 a petus de su terresu; in prus de custu, pro neghe de s'atmosfera rarifigada, a s'iscurigada su chelu si colorat in biaìtu, no in ruju.