Serbariu

Articulu in nugoresu

Serbarìu fit una bidda de sa Sardigna, dae su 1937 petzi "fratzione" de Carbònia.

Bisùra de Serbarìu dae sa SP78 Bis

Fit una burgada de pastores e massajos, commo belle ingurtìa dae Carbonia prima chin sos bichinàos, naràos "palazzoni di Serbariu", poi chin cussu de Santa Caderina, benìnde duncas a essere unu cuartièri de sa tzittade fravicàda in epoca mussoliniana.

Serbarìu si podet cussiderare comente su nùcreu orizinàrju de sa tzittade carbonièsa; su topònimu dìat bènner a pàrrer de carchidùnu dae "s'erba de s'arrìu", a pàrrer de atteros dae "serba arrìu" o "serba rìu", chi dìat inditare comente sa bidda sèret amparàda dae s'unda de su rìvu Santu Milanu (sicund'a sas cartas de s'Ottichentos, rìu Bau Baccas).