Stellarium

Custu artìculu est iscritu cun sa grafia

Limba Sarda Comuna

. Abbàida sas àteras bariedades gràficas:

Stellarium est unu planetàriu virtuale realizadu cun unu programma lìberu sighende sos tèrmines de sa Lissèntzia GPL e a disponimentu pro Linux, Windows e macOS.

Stellarium
Logotipu
Screenshot di Stellarium
Isvilupadore(es)	Alexander V. Wolf, Fabien Chéreau e Georg Zotti
Data prima versione	2001
Ùrtima versione	24.3 (22 cabudanni 2024)
Sistema operativu	GNU/Linux, Microsoft Windows, macOS e sistema operativu simigiante a Unix
Limbàgiu	C++ e C
Litzèntzia	GNU General Public License, version 2.0
Situ web	stellarium.org

Custu programma impreat OpenGL pro frunire una rapresentatzione de su chelu in direta. Cun Stellarium si podent bìdere ogetos a sa portada de telescòpios mannos.

Stellarium la't isvilupadu su frantzesu Fabien Chéreau, chi at incaminadu su progetu in s'istiu de su 2001. Intre sos àteros isvilupadores sunt de annotu Robert Spearman, Johannes Gajdosik, Matthew Gates, Nigel Kerr e Johan Meuris.

Caraterìsticas

Stellarium cuntenet un'annantu mannu de caraterìsticas chi lu rendent unu planetàriu apretziadu in s'àmbitu de sa didàtica astronòmica, nointames s'impossibilidade de imprentare cartas tzelestes unida a impretzisiones in su positzionamentu de sos corpos de su sistema solare e sa farta de unu sistema de chirca automàtica de vàrios fenòmenos astronòmicos nd'impedint s'impreu pro punnas de chirca.^[1]

Sa giai mentovada punna didàtica crara at frutadu unu reconnoschimentu ufitziale assignadu in su 2006 a sa versione 0.7.1 de su programma.^[2]

Caraterìsticas de su chelu

prus de 600.000 isteddos de su catàlogu Hipparcos e de su catàlogu Tycho-2
catàlogos suplementares cun prus de 210 milliones de isteddos
asterismos e illustratziones de sas costellatziones
costellatziones de deghe culturas, e intre cussas sa sarda^[3]
immàgines de sas nebulosas (Catàlogu de Messier cumpletu)
unu Caminu de Pàgia realìsticu
un'atmosfera realìstica cun arbèschida e intrinada iscantzellàbiles pro ammustrare su chelu chene Sole
pranetas de su sistema solare cun sos satèllites majores rispetivos

Interfache

unu fatore de ismanniada balente
controllu de sa data e de s'ora
interfache a prus limbas
possibilidade de creare scripts personalizados
projetzione de su chelu pro planetàrios
projetzione isfèrica
adatamentu dinàmicu de s'ogru e ponidora in risaltu de sos corpos prus luminosos
simulatzione de incuinamentu luminosu
interfache gràfica e controllu estèndidu dae sa tastiera
controllu de su telescòpiu
estensiones numerosas chi permitint, a esèmpiu, de visualizare una portzione de chelu comente chi siat bida dae un'oculare de unu telescòpiu, o de annànghere asteròides

Visualizatziones

grìllias ecuatoriales e altazimutales
lugore isteddare
isteddos coudos
simulatziones de eclisse (connoschende·nde sa data chi si podet pigare dae un'àtera fonte)
isfundos chi si podent personalizare
projetzione isfèrica panoràmica

Personalizatzione

possibilidade de annànghere catàlogos in prus finas a 210 milliones de isteddos.
possibilidade de annànghere sas immàgines pròpias, ogetos de su chelu profundu, panoramas, costellatziones.
sa propiedade de annànghere e simulare scripts, cumandos ùtiles, tando, pro letziones.
a disponimentu in prus de 40 limbas dae sa versione 0.8.0. Intre cussas limbas b'est fintzas su sardu^[4]
possibilidade de agiùnghere culturas de visualizatzione de su chelu noas.
possibilidade de bìdere su chelu de 36 corpos tzelestes intre pranetas e satèllites majores issoro, asteròides, pranetas nanos e fintzas de su Sole.

Riferimentos

↑ Non faghet, pro esempru, a torrare a costrùere sa totalidade de s'eclisse solare de su 15 freàrgiu 1961 pro sas localidades in ue fiat istadu totale, ammustrende a vìdeu, faddende, un'eclisse de casta partziale.
↑ Les trophées du libre. Archiviadu su 28 freàrgiu 2009 in s'Internet Archive.
↑ Mauro Loddo, Sos isteddos de su connotu, s'ìsula puru tenet unu tretu in chelu, in Istorias, 30 ghennàrgiu 2021. URL consultadu su 27 santugaine 2022.
↑ Situ ufitziale in sardu, in stellarium.org. URL consultadu su 28 santugaine 2022.

Àteros progetos

Wikimedia Commons tenet files chi ligant a: Stellarium

Ligàmenes esternos

Situ ufitziale in sardu, in stellarium.org. URL consultadu su 28 santugaine 2022.
(EN) Stellarium, in SourceForge. URL consultadu su 27 santugaine 2022.
(EN) Stellarium, in packages.debian.org. URL consultadu su 27 santugaine 2022.
(EN) Stellarium, Stellarium, 27 santugaine 2022. URL consultadu su 27 santugaine 2022.
(EN) Stellarium, in Free Software Directory. URL consultadu su 27 santugaine 2022.
(EN) Guida de utente in inglesu, in Software Gubbins by Matthew Gates, 15 cabudanni 2008. URL consultadu su 27 santugaine 2022 (archiviadu dae s'url originale su 15 cabudanni 2008).
(EN) Wiki ufitziale, in Stellarium Wiki, 28 trìulas 2011. URL consultadu su 27 santugaine 2022 (archiviadu dae s'url originale su 28 trìulas 2011).
(EN) Project of the Month, May 2006, in SourceForge Community Blog, 1º maju 2006. URL consultadu su 27 santugaine 2022.

[1] Non faghet, pro esempru, a torrare a costrùere sa totalidade de s'eclisse solare de su 15 freàrgiu 1961 pro sas localidades in ue fiat istadu totale, ammustrende a vìdeu, faddende, un'eclisse de casta partziale.

[2] Les trophées du libre. Archiviadu su 28 freàrgiu 2009 in s'Internet Archive.

[3] Mauro Loddo, Sos isteddos de su connotu, s'ìsula puru tenet unu tretu in chelu, in Istorias, 30 ghennàrgiu 2021. URL consultadu su 27 santugaine 2022.

[4] Situ ufitziale in sardu, in stellarium.org. URL consultadu su 28 santugaine 2022.

[1]

[2]

[3]

[4]