Su Cadalanu

Coordinadas: 39°52′54″N 8°16′32″E / 39.881667°N 8.275556°E39.881667; 8.275556

Artìculu in LSC

Su Cadalanu est un'iscòlliu de preda-mòlina chi s'agatat in sa Sardigna tzentru-otzidentale, in sa provìntzia de Aristanis, a intro de su territòriu de su comune de Crabas. Est postu a 5,6 mìllias nàuticas a largu de sa costera meridionale de sa penìsula de su Sinnis.

Campu vulcanicu de su Cadelanu

Est sa parte prus arta de su Campu Vulcànicu de Su Cadalanu, iscobertu in su 2015 analizende una sèrie de detos geo-sismicos regortos intre su 2009 et su 2011. Su campu vulcanicu est fatu de una sèrie de 40 doma e neck vulcànicos su prus postos a suta de s'abba. Custos doma sunt istados consumados meda in su Pleistotzene (cando su livellu de su mare fut prus bassu), sunt largos 1600 metros e artos 180, postos intre sos 20 e sos 150 metros a suta de s'abba in un'àrea manna 800 kmc.

Fintzas custu vulcanu, comente sos serentes Monte Arci e Monteferru pertenet a su tziclu anorogenicu alcalinu Plio-Pleistocenicu e duncas est curreladu a sa nàschida de su Mare Tirrenu e a sa formatzione de su graben de su Campidanu.^[1]

Geologia

S'Iscòlliu est unu neck de preda-mòlina a micro-ranos, est meda alteradu e est segadu dae una sèrie de fraturas sub-verticales. Est fintzas traessadu dae una sèrie de traessàrgias de preda-molina, russas unu metru, chi cuntenent, in-ue est a cuntatu cun sa roca host pìculos cornubianiticos, birdes, a chigiones bios originados dae sa base Paleozòica de sa Sardigna. In sas partes prus tzentrales de su neck b'ant xenolites ultra-femicos de peridotite fatos de ulivina e livelllos cumuliticos de ulivina e pirosenu ricu in Ca.^[2]

De su 1997 faghet parte de s'àrea marina Penìsula de Sinnis-Isula de Malu Bentu, in ue est insertadu in sa zona 'A' de riserva integrale: bi est duncas controida onni atividade.

Notas

↑ A newly discovered Pliocene volcanic field on the western Sardinia continental margin (western Mediterranean) (Conforti et alii, 2015)
↑ THE RECENT EVOLUTION OF THE SINIS REGION (WESTERN COAST OF SARDINIA, ITALY) ON THE BASIS OF NEW RADIOMETRIC DATA OF THE PLIOCENIC VOLCANISM (Duncan et alii, 2011)

[1] A newly discovered Pliocene volcanic field on the western Sardinia continental margin (western Mediterranean) (Conforti et alii, 2015)

[2] THE RECENT EVOLUTION OF THE SINIS REGION (WESTERN COAST OF SARDINIA, ITALY) ON THE BASIS OF NEW RADIOMETRIC DATA OF THE PLIOCENIC VOLCANISM (Duncan et alii, 2011)

[1]

[2]