Tessera de su dialetu
Articulu in nugoresu
Sa tessera de su dialetu (in giapponesu: 方言札 Hepburn: hōgen fuda?) fit una pratica de casticu posta in opera dae s'iscola giapponesa pro inditare sos chi faveddaban in sa limba de Okinawa. Sa tessera l'an picada de boluntade issoro sos istudentes de s'isula a su comintzu de su seculu de XX, ma fit bènnia a obbricu cando sas politicas assimilatzionistas an sichìu a crèscher a pùstis de su 1917. A un'istudiante chi fit cassàu faveddande in sa limba de Okinawa su mastru ponìat sa tessera apitzicàda a tucru, fìntzas a cando no nde cassabat un'atteru. S'istudiante chi tenìat sa tessera a s'acabbu de dìe finìat iscùttu dae sos dotzentes[1][2].
Politicas chi s'assimizan a custa las aìan fattas fìntzas s'Italia in Sardigna pro de-sarditzare a sa zente, sa Frantza pro sos otzitanos (si bìat sa "vergonha") e in Gran Bretagna pro sos gallesos (si bìat su Welsh Not).