Matteo~scwiki

Tzirculos de sos disterrados sardos contra a su g8 e a su colonialismu. Sos tzirculos contra a su g8 naschent in su 2007, a pustis de una reunione de istudentes e tribagliadores sardos disterrados chi s'est fata a Nugoro. Sos de sos tzirculos partint dae unu sentidu de sardidade e b'agiunghent una analisi politica chi refudat sa bisione de sa Sadigna che parte de sa "natzione" italiana e nde cheret ammustrare sas particularidades culturales, politicas, sotziales. Sa bidea de sos de sos tzirculos est chi sa Sardigna siet una colonia de s'Istadu italianu chi, dae sa naschida sua e fintzas dae prima, cando fit su Regnu de Sardigna, che l'apat posta in d'una conditzione de isfrutamentu economicu, de impoverimentu culturale e de ocupatzione militare. Oe ch'est oe sos tzirculos faghent atividade in paritzas tzitades italianas, comente Pisa, Torino, Firentze, Roma, Bologna. Ant ammanizadu medas cumbennios e initziativas, pro chircare de batire cuscentzia tra sos sardos disterrados de sas cajones de su disterrare issoro. Sos tzirculos ant puru unu zassu internet, ue che sunt sas novas dae s'isula e dae su continente e unu forum ue chie cheret podet cuntrestare e ammanizare atividade chi fatant bessire a campu sas contraditziones isulanas.