Videojocu de abbentura

Articulu in nugoresu

Su videojocu de abbentura (adventure game in inglesu), connòttu de prus chin su lùmen "abbentura" (o adventure), est una famìlia de videojocos chi tènen su fundamentu issòro in sa risolta de mistèrios, isplorassiòne, interassione chin sos pessonàzos e chi su tzèntru issòro zìrat prus in tundu de s'istòria chi nono in isfìdas de abilèsa ebbìa.

Sa famìlia adventure fit populare meda in sos annos '80 e '90, ca b'aìat tando duas sièndas (Sierra e LucasArts) in porfía pro nde fàcher cantu prus e cantu prus bellas podìan. Si ammèntet sa sèrie King's Quest ' fatta dae s'una e Monkey Island dae s'attera.