Washington (istadu)

Artìculu in LSC

Su Washington (/ˈwɒʃɪŋtən/) est unu istadu federadu de sos Istados Unidos de Amèrica chi s'agatat in sa regione de Nord-Ovest Patzìficu. Su nòmene de Washington ddi fiat dadu in onore de su primu presidente de sa natzione: George Washington. Sa capitale est Olympia ma sa tzitade prus manna est Seattle.

Inditadu in ruju s'istadu de Washington in s'Ovest de sos Istados Unidos

Bandera de s'istadu de Washington

Allàcanat in su Nord cun sa provìntzia canadesa de Colùmbia Britànnica, in s'Est cun s'istadu federadu de Idaho, is su Sud cun su de Oregon e in s'Ovest tenet bessida in s'Ocèanu Patzìficu.

S'istadu est istadu formadu de sa parte otzidentale de Territòriu de Washington, tzedidu de is britannicos in su 1846 cun su Tratadu de Oregon.

Su Washington est su de 18 istados prus istèrridos e su de 13 prus populados de sos Istados Unidos. Unu 60% de is residentes bivet in s'àrea metropolitana de Seattle, chi est su tzentru de affàrios e de s'indùstria. A fatu de sa Califòrnia est su segundu istadu prus populadu de sa costera otzidentale de sos USA.

Su clima de su Washington est oceànicu in s'Ovest e semi-àrridu in s'Est. Su paesàgiu est duncas ricu de padentes e montes in s'Ovest e su Nord-Est, su Sud e su Sud-Est est imbetzes semi-deserticu. Su Washington est unu istadu meda bentosu.

S'economia s'apoderat subra sa produtzione de linnàmene e fruta comente melas, piras, lampones, carèsias e àteros. De importu in s'economia fintzas sa pisca de salmone e de halibut. Is indùstrias de manìgiu poduint mìssiles, naves e àteros mèdios de trasportu, mandiares, produtos de metallu e chìmicos.

Est su de 42 istados a èssere intradu in s'Unione, in s'annu 1889.