Yvan Colonna
Articulu in nugoresu
Yvan Colonna (nàschiu in su 7 de aprìle de su 1960 in Ajacciu (Còssiga) – mortu in Marsìllia su 21 de martzu 2022[1][2]), est istadu un'indipendentista còssu militante, postu a cundànna ca dìat pòder àer mortu a su prefettu frantzesu Claude Érignac in su 6 de febràrju de su 1998 in Ajacciu.
Bìda modìfica
Bènniu a luche in Ajacciu, chin sa famìlia sua si mòghet a Nitza, in ube Jean-Hugues Colonna - babbu suo, chi fit deputàu de su Partidu Sotzialista Frantzesu - tando issinzàbat educassione fisica. Pùstis chi si at picàu su dipròma, a prìmu Yvan Colonna sìchit a istudiàre pro fàcher su matèssi traballu de babbu suo, fràncu poi lassàre tottus sos istùdios e torràre in Còssiga in su 1981.
Sich'ìstat in Cargesi, in ube pèsat e pàschet cràpas; cumìntzat puru a militare in sos movimentos nassionalistas corsicanos chi sun a cùrtzu de su FLNC. In custu periodu b'at su suspettu chi pòdat àer picàu parte a parìtzos attentatos, ma custu non lu at mai provàu nèmmos. In su 1990, a s'epoca de s'incuadramèntu de sos militantes de su FLNC in Canal Historique, Canal Habituel e Resistenza, pàret chi àpat fattu unu passu addaesècus pro su chi pertòccat su movimentu nassionalista.
Zendarmerìa de Pietrusedda modìfica
Yvan Colonna dèpet respònder de assòtziu a delìncuere a iscòpu terrorìsticu pro s'attàccu de su 1991 a sa zendarmerìa de Pitrusedda, in Còssiga de zòsso, in ube aìat picàu dae cùghe s'arma pro uchìder a su prefettu frantzesu Claude Érignac.
Riferimentos modìfica
- ↑ (FR) Yvan Colonna est décédé, trois semaines après son agression, in Courrier picard, 22 martzu 2022. URL consultadu su 26 martzu 2022.
- ↑ Gabriele. tanda, Est mortu Colonna: sa Còrsica semper prus caente, in Limba Sarda 2.0, 22 martzu 2022. URL consultadu su 26 martzu 2022.