Ìsulas Falkland
Coordinadas: 51°43′48″S 59°13′12″W / 51.73°S 59.22°W
Artìculu in LSC
Is ìsulas Falkland (in inglesu) o Malvinas (in ispagnolu) sunt un'artzipèlagu de s'Atlànticu meridionale chi pertenent a sa placa de sa Patagònia. Is ìsulas majores s'agatant a unos 483 km a est de sa costera sudamericana de sa Patagònia, a ladiore aprossimadu de 52°S. S'artzipèlagu, cun istèrrida de unos 12.000 km cuadrados, cumprendet s'ìsula esta (in inglesu: East Falkland; in ispagnolu: Isla Soledad), s'ìsula ovest (in inglesu: West Falkland; in ispagnolu: Isla Gran Malvina) e 776 ìsulas minores. In sinu a su territòriu britànnicu ultramarinu, is Falkland tenent auto-guvernu, e su Rennu Unidu tenet responsabilidade subra sa defensa e sos afàrios èsteros. Sa capitale de is ìsulas Falkland est Stanley in s'ìsula esta.
B'at una cuntierra subra s'iscoberta de sas Falkland e sa sutasighente colonizatzione europea. In tempos diferentes, is ìsulas ant tentu aposentamentos frantzesos, britànnicos, ispagnolos e argentinos. Sa Britànnia Manna at istabilidu su pòdere in su 1833, mancari s'Argentina sighit a tènnere pretesas subra is ìsulas. In s'abrile de su 1982, is fortzas argentinas ant ocupadu temporaneamente is ìsulas. S'amministratzione britannica fiat torrada a istabilire in duos meses, cun s'acabu de sa Gherra de sas Falklands. Sa majoria de sos bividores de is Falkland cheret abararre britannica, ma sa soberania sua abarrat causa de perrica intre Argentina e Britànnia Manna.
Àteros progetos
modìfica| Wikimedia Commons tenet files chi ligant a: Ìsulas Falkland |