Antoni Simon Mossa

Articulu in nugoresu

« S'innorantzia nostra nos fachet menispressiare tottu su chi est nostru. »

« Si unu populu non si la picat s'indipendentzia politica sua, no podet esser suzetu de s'istoria sua ma at a abbarrare a s'umbra de sa nassione chi l'at binta e dominada. »

Antoni Simon Mossa (Padova, 22 de Sant'Andria de su 1916 – Tàtari, 14 de trivulas de su 1971) est istau un'architettu, zornalista, poete, iscritore e politicu, esponente ideolozicu de s'indipendentismu sardu.

Antoni Simon Mossa

Bida

De erentzia s'aligaresa, si ch'est laureau in architetura e cumintzat a traballare in Tatari e in S'Alighera, in ube s'interessat meda de su sardu e de su s'aligaresu, tantu chi nd'at iscrittu unu liberu de grammatica e, in su mese de Capidanne de su 1959, fravicat un'iscola in ube s'imparabat s'archeolozia, s'istoria e sa curtura sarda in custu limbazu. Dae su 1961 pro deche annos est presidente de su sotziu curturale s'aligaresu chi aiat fundau, su Centre d'Estudis Algueresos. In su mentras, at fattu biazos de istudiu peri sa Catalugna, sa Corsica, su Paisu Bascu, sa Galitzia, s'Alsatzia, sas Friandas, su Galles ei s'Iscotzia, adobiande sas pessonalidades prus mannas de su locu. Cumintzat a picare s'istrada de su nassionalismu sardu in cuntierra chin su messazu tradissionale autonomista de s'ala sardista. Si allegat de facher torrare s'identidade sarda a sos sardos, comunidade chi tenet un'istoria, una curtura e limba propia chi si nch'est isperdende pro neghe de su colonialismu italianu. Pessat chi s'unica manera de nch'essire a capu siat cussa de su sotzialismu e, una borta chi si at tentu s'indipendentzia, si depat fravicare una federassione europea chi nde diat facher parte s'isula, aende cuntattos mascamente chin sa Corsica e sa Catalugna. At fundau, paris chin Zuanne Pedru 'e Marras, prima su "Muimentu Indipendhentistigu Revolussionàriu Sardu" e a pustis sa truma "Sardigna Libera". Siche morit de maladia in su 1971.

Atividade architetònica

In S'Alighera e Fertìlia

• Escala del Cabirol (Iscala de su Dàinu), rampa di 670 gradinos in Capu Catza, a curtzu de sas Grutas de Netunu
• Hotel Capo Caccia, Hotel Carlos V, Hotel Porto Conte, Hotel Balear, Hotel El Faro, Hotel Corte Rosada, Hotel La Lepanto, Hotel Coral, Hotel Punta Negra e Hotel Dei Pini
• Restàuru de s'Hotel Villa las Tronas
• Palau de València, Palau del Sol, Ospedale Civile e Ospedale Marino, Casa di riposo per anziani, Villa Plaisant e Villa Risso
• Villa Padùla in Fertìlia
• Pranu regoldtore de S'Alighera
• Aeroistatzione de s'Aeroportu de S'Alighera-Fertìlia, a pustis adotada dae su Ministèriu de s'Aviatzione Tzivile italianu che a modellu pro sa costrutzione de una sèrie de aeroportos minores pro s'Itàlia meridionale
• Ristruturatzione de sa Sea de Santa Maria, Crèsia de Santu Frantziscu, cùpola de sa Crèsia de Santu Micheli e Molu betzu de Turilli
• Crèsia de Santu Marcu e su Belvedere a mare in Fertìlia

In Tàtari, Istintinu e Sossu

• Brefotrofio, palatzu Las Floridas, Bar Pirino (chi oe est su tzilleri Maraviglia), Bar Cafezinho, Bar Aroni e sa Sea de s'Automobil Club Italianu
• Villas medas a curtzu de Santu Pedru de Silki
• Ristruturatzione e restàuru de Crèsia de Santu Donatu, Crèsia de Santu Sistu e Crèsia de Sant’Apollinare
• Hotel Cala Reale, Villa dello Svizzero e Villa Silvestrini in Istintinu
• Hotel Del Golfo e Villaggio La Plata in Pratamona, ristruturatzione Crèsia de Santu Pantaleu, Asilu Catta, Iscolas elementares e Iscolas mèdias in Sossu
• Arredos internos de sa Libreria istòrica Messaggerie Sarde

In su restu de sa Sardigna

• Villa G. Muraglia, Pèifugas
• Crèsia parrochiale, Codaruina
• Palatzu comunale, Laerru
• Hotel L'Abi d'Oru e Villa Riccardi in Terranoa
• Hotel Mirage, Hotel Moresco, Hotel Dei Due Mari di Hoeffler, cumplessu Guardia del Corsaro, Villa Benassi e sa Crèsia de Capu Testa in Lungoni
• Hotel L'Altura in Lu Palau
• Villa Raphael in Portu Raphael
• Villa Riccardi, Villa della Begum, Villa Scano e Villa Fèrgusson in Altzaghena
• Progetu de ismanniamentu e restàuru de sa Crèsia de Santa Maria Maddalena, in Sa Madalena
• Casas populares e Palatzu de sas Postas in Sa Madalena
• Museu de sa Vida e de sas Traditziones Populares Sardas e Domos populares INA Casa, ristruturatzione de sa Sea de Santa Maria de su Nie e Crèsia de sa Solidae in Nùgoro
• Residèntzia de sos ufitziales, Foghesu
• Pranu reguladore de Aristanis, Pàdria e Tiesi
• Iscola mèdia, Santu 'Èngiu

Òperas

• (IT) Antoni Simon Mossa, La ragioni dell'indipendentismo: il Partito sardo d'azione e la lotta di liberazione anticolonialista, S'iscola sarda, 1984. URL consultadu su 26 santandria 2019., torradu a publicare comente (IT) Antoni Simon Mossa, Le Ragioni dell'indipendentismo : la lotta del popolo sardo per la liberazione nazionale e la giustizia sociale, 2ª ed., Cuartu Sant'Aleni, Alfa Editrice, 2008 [1984], ISBN 978-88-85995-21-5, OCLC 804294799. URL consultadu su 26 santandria 2019.
• (IT) Antoni Simon Mossa, Considerazioni sul turismo in Sardegna, 1966.
• (IT) Antoni Simon Mossa, Note sulla politica turistica (regionale), 1969.
• (CA) Antoni Simon Mossa e Adolf Florensa i Ferrer, L'arquitectura gòtica catalana a Sardenya.

Atividade tzinematogràfica

• Agiudu regista in su film "Bengasi" de Augusto Genina, Bassoli Film, 1942.
• Agiudu regista in su film "Marika" de Harry Hasso, Bassoli Film, 1942.
• Agiudu regista in su film "Corsica" de Augusto Genina, Istitutu Luce, 1942.

Atividade zornalìstica

• Redatore de s'istatzione de Radio Sardegna dae su mese de nadale de su 1944 a su de cabudanni de su 1945 (radiocrònacas, radiorivistas e arresonos de crìtica artìstica);
• Redatore de sa rivista "Il Solco", setimanale de su Psd'Az, dae su mese de santugaine de su 1944 a su de cabudanni de su 1945.

Bibliografia

• Frantziscu Casula, Antoni Simon Mossa, in Omines e feminas de gabbale, vol. 5, Cuartu San'Aleni, Alfa Editrice, 2006, ISBN 978-8885995079.
• (IT) Adriano Bomboi, L'indipendentismo sardo : le ragioni, la storia, i protagonisti, Casteddu, Condaghes, 2014, pp. 18-119-125, ISBN 978-88-7356-246-7, OCLC 903207746. URL consultadu su 26 santandria 2019.
• (IT) Federico Francioni (a incuru de), Antonio Simon Mossa (1916-1971) : l'architetto, l'intellettuale, il federalista, dall'utopia al progetto : atti del convegno di studi, Sassari, 10-13 aprile 2003, Casteddu, Condaghes, 2004, ISBN 88-7356-064-4, OCLC 70146839. URL consultadu su 26 santandria 2019.
• (IT) Rafael Sari, Antonio Simon Mossa ad Alghero : tracce d'una vita appassionata, Edizioni del Sole, 2005, ISBN 88-88636-03-X, OCLC 879926877. URL consultadu su 26 santandria 2019.
• (IT) Antoni Simon Mossa, Le Ragioni dell'indipendentismo : la lotta del popolo sardo per la liberazione nazionale e la giustizia sociale, 2ª ed., Cuartu Sant'Aleni, Alfa Editrice, 2008 [1984], ISBN 978-88-85995-21-5, OCLC 804294799. URL consultadu su 26 santandria 2019.
• (IT) Giampiero Marras (a incuru de), Antonio Simon Mossa, un intellettuale rivoluzionario : un uomo di idee nato nel futuro e un combattente per la Sardegna, ribelle ad ogni soggezione, Cuartu Sant'Aleni, Alfa Editrice, 2008, ISBN 978-88-85995-20-8, OCLC 804292813. URL consultadu su 26 santandria 2019.
• (IT) Giampiero Marras, Simon Mossa visto da vicino, Cuartu Sant'Aleni, Alfa Editrice, 2005.
• Francesco Casula, Uomini e donne di Sardegna : le controstorie, 2. ed, Cuartu Sant'Aleni, Alfa Editrice, 2010, pp. 247-281, ISBN 978-88-85995-50-5, OCLC 706858565. URL consultadu su 26 santandria 2019.
• (CA) Pere Simon i Altea (a incuru de), L'Alguer i Antoni Simon Mossa, un lligam únic : nota biogràfica, disinys i jocs de paraules, Generalitat de Catalunya, 2015, ISBN 978-8439392552.

Àteros progetos

Sa Wikiquote italiana tenet tzitatziones de Antoni Simon Mossa

Ligàmenes esternos

• (IT) Pàgina printzipale de s'Archìviu Simon Mossa, in Archìviu Simon Mossa. URL consultadu su 26 santandria 2019.
• Enrico Putzolu, LOGOS DE LOGU 2020 9PUNTATA, in YouTube, TCS - Tele Costa Smeralda, a 20 min 23 s. (in s'ùrtima parte de sa puntada Frantziscu Casula chistionat de Antoni Simon Mossa)