Carmelo Floris

pintore e intzisore sardu
Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu


Carmelo Floris (Bono, 22 de trìulas de su 1891 - Ortzai, 22 de austu de su 1960) est istadu unu pintore e intzisore sardu.

Biografia modìfica

Abarradu òrfanu de babbu a s'edade de duos annos, sa mama est torrada a sa bidda nativa sua, Ortzai, cun sa famìlia e Carmelo l'at afidadu a sas curas de unu tziu maternu, su pàrracu de Ollollai Carlo Nonnis. Inoghe connoschet Giuseppe Biasi, chi fatu fatu benit istrangiadu in domo dae su tziu.

 
Carmelo Floris L'eucaristia Ollollai - Crèsia de Santu Micheli Arcàngelu

A pustis de àere interrùmpidu sos istùdios clàssicos, in su 1909 tzucat a Roma pro frecuentare s'Acadèmia de Bellas Artes dividinde unu sostre cun Melkiorre Melis.

Dae su 1915 a su 1918, arruoladu in sa Brigata Tàtari, pigat parte a sa Prima gherra mundiale gherrende pro tres annos in s'altura de Asiago e in su Piave e sighende a pintare.

Torradu in Sardigna, intrat in s'Unione de sos Gherradores (Unione dei Combattenti) e a su Partidu Sardu de Atzione. Cun s'amigu Mario Delitala, bìsitat e pintat sas biddas de sa Barbàgia. Intre su 1921 e su 1924, pigat parte a sa I Biennale Natzionale de Arte a Roma, collàborat cun “Il giornalino della Domenica” de Vamba e esponet in sa Cuadriennale de Torinu. Invitadu dae s'iscultore Frantziscu Ciusa, insegnat disinnu in s'Iscola de Artes Aplicadas de Aristanis. Est de cussos annos unu manifestu publitzitàriu fatu pro sa rassegna de sos produtos alimentares sardos in Amèrica.

Bibliografia modìfica

  • (IT) Atos de su cunvegnu La figura e l'arte di Carmelo Floris nel centenario della nascita. Ortzai, 10 de santandria de su 1991
  • (IT) Salvatore Naitza e Maria Grazia Scano, Carmelo Floris (PDF), Nùgoro, Ilisso Edizioni, ISBN 88-89188-04-9. URL consultadu s'11 nadale 2019 (archiviadu dae s'url originale s'11 nadale 2019).
  • (IT) Marzia Marino, Carmelo Floris (PDF), Nùgoro, Ilisso Edizioni, 2004, ISBN 88-89188-04-9. URL consultadu s'11 nadale 2019 (archiviadu dae s'url originale su 16 trìulas 2006).

Artìculos ligados modìfica

Ligàmenes esternos modìfica

  • (IT) Carmelo Floris, in Nur on line: Personaggi illustri, Regione Autonoma della Sardegna. URL consultadu su 29 cabudanni 2007.
  • (IT) Casa e pinacoteca comunale "Carmelo Floris", in Sito ufficiale della Regione Sardegna. Guida ai musei, Regione Autonoma della Sardegna. URL consultadu su 29 cabudanni 2007 (archiviadu dae s'url originale su 24 austu 2022).
  • (IT) Ollolai, in Sardegna Turismo, Regione Autonoma della Sardegna. URL consultadu su 29 cabudanni 2007 (archiviadu dae s'url originale su 18 martzu 2009).
Controllu de autoridadeVIAF (EN70604616 · ISNI (EN0000 0000 8029 1346 · BNF (FRcb12394745p (data) · LCCN (ENn93064812 · SBN (ITCFIV120845 · SUDOC (FR192062190 · WorldCat Identities (ENn93-064812