Salude Big Zed, totu bene? In antis de totu ti bolia torrare gràtzias mannas pro su traballu chi ses faghende in custas dies, mescamente pro su chi pertocat a sos argumentos ligados a sa crèsia, ma ti bolia fintzas nàrrere de dare cara a sa chistione de sas grafias. Pro evitare gherras chi ti podes immaginare amus isseberadu de sighire, inoghe, una paja de reguleddas pro mudare sa grafia de un'artìculu, chi podes agatare inoghe. Comente b'est iscritu fintzas in cue, custas règulas non s'àplicant petzi a sos abbotzos. Su casu de Santu Lussurgiu fiat a su lìmite, a parre meu, ca bi fiant unu pagu de informatziones e fintzas sa diferèntzia intre sa versione chi bi fiat e sa tua non fiat tropu manna (fintzas si sa tua tenet prus informatziones e fintzas fontes, craru). In cada manera apo fatu incumintzare deo sas chimbe dies pro pònnere sa versione tua che a printzipale e mòvere sa chi b'est cara a Santu Lussurgiu/logudoresu, pro sas ocasiones chi ant a bènnere l'as a pòdere fàghere fintzas tue lassende unu messàgiu in sa pàgina de sas cuntierras gasi comente apo fatu deo. Si tenes dudas, in contu de custu o de àteru, faghe·mi·lu ischire chene problemas!--L2212 (talk) 11:52, 13 Mar 2022 (CET)